தேராவில் துயிலும் இல்லத்திலிருந்து நல்லூருக்கு புறப்பட்ட திலீபனின் நினைவு ஊர்தி
தமிழ் மக்களின் உரிமைக்காக ஐந்தம்சக் கோரிக்கைகளை முன்வைத்து நீராகாரமின்றி 12 நாட்கள் உண்ணாவிரதமிருந்து உயிர்நீத்த தியாக தீபம் திலீபனின் 39ஆம் ஆண்டு இறுதிநாள் நினைவஞ்சலி நிகழ்வுகள் இன்று தமிழர் தாயகப் பகுதிகளில் உணர்வெழுச்சியுடன் முன்னெடுக்கப்படுகின்றன.
இந்தநிலையில் முல்லைத்தீவு - விசுவமடு, தேரவில் மாவீரர் துயிலும் இல்லத்திலிருந்து தியாகி திலீபனின் உருவப்படம் தாங்கிய நினைவு ஊர்தி ஒன்று, யாழ்ப்பாணம் - நல்லூரில் அமைந்துள்ள திலீபனின் நினைவிட வளாகம் நோக்கிப் புறப்பட்டுள்ளது.
தேராவில் மாவீரர் துயிலுமில்ல பணிக்குழுவின் ஏற்பாட்டில் முன்னெடுக்கப்பட்ட இந்த நினைவு ஊர்தி பவனியானது அஞ்சலி நிகழ்வுகளுடன் ஆரம்பமானது.
அஞ்சலி நிகழ்வுகள்
இதன்போது திலீபனின் திருவுருவப்படத்திற்கு பொதுச்சுடர் ஏற்றப்பட்டு, மலர்மாலை அணிவிக்கப்பட்டதுடன், மலர்தூவி அஞ்சலி நிகழ்வுகள் உணர்வெழுச்சியுடன் முன்னெடுக்கப்பட்டன.
அதனைத் தொடர்ந்து திலீபனின் உருவப்படம் தாங்கிய நினைவு ஊர்தி யாழ்ப்பாணம் நல்லூரை நோக்கிப் புறப்பட்டது.
மேலும் அஞ்சலி நிகழ்வுகளில் வன்னி மாவட்ட நாடாளுமன்ற உறுப்பினர் துரைராசா ரவிகரன், புதுக்குடியிருப்பு பிரதேசசபை தவிசாளர் வேலாயுதம் கரிகாலன், முன்னாள் கரைச்சி பிரதேசசபை உறுப்பினர் சண்முகசராசா ஜீவராசா, தேராவில் மாவீரர் துயிலுமில்ல பணிக்குழுவினர், பொதுமக்கள் எனப் பலரும் பங்கேற்றிருந்தமை குறிப்பிடத்தக்கது.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
வறுத்தலைவிளான், யாழ்ப்பாணம், கோண்டாவில், கொழும்பு, அநுராதபுரம்
25 Sep, 2022
