மாகாண சபைத் தேர்தலை தீர்மானிக்கும் அதிகாரம் ரில்வின் சில்வாவிற்கு இல்லை : வெடித்த சர்ச்சை

Jaffna Parliament of Sri Lanka Election Tilvin silva

By Sathangani Jun 01, 2026 03:54 AM GMT

Sathangani

in அரசியல்

Report

இலங்கையின் மாகாண சபை தேர்தலை உடனடியாக நடத்த வேண்டும் என ஆளுநர்களின் சங்கம் அரசாங்கத்திடம் வலியுறுத்தியுள்ளது.

அத்துடன் அரசாங்கத்திலோ அல்லது அரச சேவையிலோ எந்தவொரு பதவியையும் வகிக்காத எந்தவொரு கட்சியின் செயலாளருக்கும் மாகாண சபைகளின் எதிர்காலத்தைத் தீர்மானிக்கும் அதிகாரம் கிடையாது என அந்த சங்கம் சுட்டிக்காட்டியுள்ளது.

இது தொடர்பாக அந்த சங்கம் வெளியிட்ட விசேட அறிக்கையில், தேர்தல் நடத்தப்படாமல் ஆளுநர்களின் ஆட்சியின் கீழ் மாகாண சபைகளை தொடர்ந்தும் முன்னெடுத்துச் செல்வது, மாகாண நிர்வாகம் வீழ்ச்சியடைவதற்குக் காரணமாக அமைந்துள்ளதால், உடனடியாக தேர்தலை நடத்த வேண்டும்.

பழைய மாவட்ட தேர்தல் முறை

அனைத்து அரசியல் கட்சிகளும் பழைய மாவட்ட தேர்தல் முறையின் கீழ் தேர்தலை நடத்துவதற்கு எதிர்ப்புத் தெரிவிக்கவில்லை என்பதால், மக்கள் பிரதிநிதிகளுடன் மாகாண சபைகளை மீண்டும் செயற்படுத்துவதற்குத் தேவையான நடவடிக்கைகளை அரசாங்கம் எடுக்க வேண்டும்.

மாகாண சபைத் தேர்தலை தீர்மானிக்கும் அதிகாரம் ரில்வின் சில்வாவிற்கு இல்லை : வெடித்த சர்ச்சை | Tilvin Silva Can T Decide Provincial Council Elect

கடந்த 2017 ஆம் ஆண்டு முதல் 2019ஆம் ஆண்டு வரையான காலப்பகுதிக்குள் பல சந்தர்ப்பங்களில் மாகாண சபை உறுப்பினர்களின் பதவிக்காலம் நிறைவடைந்ததையடுத்து, மக்கள் பிரதிநிதிகள் எவருமில்லாத சபைகளே தற்போது மாகாண மட்டத்தில் செயற்பட்டு வருகின்றன.

இதன் காரணமாக, ஆளுங்கட்சியைப் பிரதிநிதித்துவப்படுத்தும் நாடாளுமன்ற உறுப்பினர்கள் மாத்திரம் மாகாண சபையின் அன்றாடக் காரியங்களில் தலையிட்டு வருகின்றனர்.

ரில்வின் சில்வாவின் அறிவிப்பு

இதேவேளை, அரசாங்கத்திலோ அல்லது அரச சேவையிலோ எந்தவொரு பதவியையும் வகிக்காத, கட்சியின் செயலாளராக மாத்திரம் பதவி வகிக்கும் ரில்வின் சில்வா, யாழ்ப்பாணத்தில் வைத்து மாகாண சபை தேர்தல் இந்த ஆண்டில் நடத்தப்பட மாட்டாது என அண்மையில் தெரிவித்திருந்தார்.