நாடாளுமன்ற உறுப்பினர் சாமர சம்பத் இலஞ்ச ஊழல் ஆணைக்குழுவில் முன்னிலை
நாடாளுமன்ற உறுப்பினர் சாமர சம்பத் தசநாயக்க இன்று (12) காலை இலஞ்ச ஊழல் ஆணைக்குழுவில் முன்னிலையாகியுள்ளார்.
ஆணைக்குழுவினால் விடுக்கப்பட்ட அழைப்பின் பேரில் அவர் அங்கு முன்னிலையாகியுள்ளார்.
முன்னெடுக்கப்பட்டு வரும் விசாரணை தொடர்பில் வாக்குமூலம் ஒன்றைப் பெற்றுக்கொள்வதற்காக அவர் அழைக்கப்பட்டுள்ளதாகத் தெரிவிக்கப்படுகிறது.
இலஞ்சம் அல்லது ஊழல் குற்றச்சாட்டுகள்
ரூ. 81 இலட்சம் இலஞ்சமாகப் பெற்றதாகக் கூறப்படும் சம்பவம் தொடர்பான விசாரணைகளுக்காகவே அவர் அழைக்கப்பட்டுள்ளார்.
குறித்த சம்பவம் தொடர்பில் வாக்குமூலம் ஒன்றைப் பெற்றுக்கொள்வதற்காக, கடந்த 09ஆம் திகதி ஆணைக்குழுவில் முன்னிலையாகுமாறு அவருக்கு அறிவிக்கப்பட்டிருந்தது.
எனினும், அன்றைய தினம் அவர் முன்னிலையாகாததால், அதற்குப் பதிலாக இன்று முன்னிலையாகவுள்ளதாக அறிவித்துள்ளதாகத் தகவல்கள் தெரிவிக்கின்றன.
சாமர சம்பத் தசநாயக்க, 2022 செப்டெம்பர் 08ஆம் திகதி முதல் 2024 செப்டெம்பர் 23ஆம் திகதி வரை ஆரம்பக் கைத்தொழில்கள் இராஜாங்க அமைச்சராகப் பதவி வகித்த காலப்பகுதியில், மூன்று நிறுவனங்களுக்கு முறையான நடைமுறைகளைப் பின்பற்றாமல் பொஸ்பேட் இறக்குமதி செய்வதற்கான அனுமதிப்பத்திரங்களை வழங்குவதற்காக, அவரது அப்போதைய தனிப்பட்ட செயலாளர் ரூ. 81 இலட்சம் இலஞ்சமாகப் பெற்றதாகக் கூறப்படும் சம்பவம் தொடர்பிலேயே விசாரணைகள் முன்னெடுக்கப்படுகின்றன.
| செய்திகளை உடனுக்குடன் தெரிந்து கொள்ள IBC தமிழ் WHATSAPP இல் இணைந்து கொள்ளுங்கள்...! |
கரவெட்டி மேற்கு, Lewisham, United Kingdom
12 Sep, 2003
யாழ்ப்பாணம், நெடுந்தீவு, பண்டத்தரிப்பு, Goslar, Germany, Breda, Netherlands, Montreal, Canada
29 Sep, 2026
