நிதிக்குழுவில் இன்று முன்னிலையாகும் திறைசேரியின் செயலாளர்

Ministry of Finance Sri Lanka Harshana Suriyapperuma

By Sathangani Apr 30, 2026 07:24 AM GMT

Sathangani

in சமூகம்

Report

இலங்கையின் திறைசேரியிலிருந்து 2.5 மில்லியன் அமெரிக்க டொலர் மூன்றாம் தரப்பொன்றின் கைக்குச் சென்றமை தொடர்பான விசாரணைகளுக்காக, திறைசேரி மற்றும் நிதி அமைச்சின் செயலாளர் ஹர்ஷண சூரியப்பெரும நிதிக்குழுவில் முன்னிலையாகவுள்ளார்.

இன்று (30) மதியம் 1.00 மணிக்கு அரசாங்க நிதி பற்றிய குழுவில் (COPF) அவர் முன்னிலையாகவுள்ளதாக தெரிவிக்கப்படுகின்றது.

2.5 மில்லியன் அமெரிக்க டொலர் அளவிலான வெளிநாட்டுக் கடன் கொடுப்பனவொன்று, உரிய தரப்புக்குச் செல்லாமல் சந்தேகத்திற்கிடமான முறையில் வேறொரு மூன்றாம் தரப்பொன்றின் கைக்குச் சென்றமை தொடர்பான விசாரணைகளுக்காக நிதி அமைச்சின் செயலாளர் அழைக்கப்பட்டுள்ளார்.

விடுக்கப்பட்டுள்ள அழைப்பு

அரசாங்க நிதி பற்றிய குழுவின் தலைவர் விடுத்த இந்த அழைப்பை ஏற்று, இன்று (30) குழுவின் முன் சமூகமளிக்க முடியாது எனத் திறைசேரி செயலாளர் ஹர்ஷண சூரியப்பெரும இதற்கு முன்னர் கடிதம் மூலம் உத்தியோகபூர்வமாக அறிவித்திருந்தார்.

நிதிக்குழுவில் இன்று முன்னிலையாகும் திறைசேரியின் செயலாளர் | Treasury Secretary To Appear Before Copf Today

எனினும், இந்த விவகாரத்தின் தீவிரம் காரணமாக அவர் இன்று மதியம் 1.00 மணிக்குக் குழுவின் முன் முன்னிலையாகவுள்ளார்.

நாட்டின் நிதி மேலாண்மையிலும், சைபர் பாதுகாப்பிலும் பெரும் அதிர்வலைகளை ஏற்படுத்தியுள்ள இந்த விவகாரம் தொடர்பில் இன்றைய அமர்வில் விரிவான விசாரணைகள் முன்னெடுக்கப்படவுள்ளதாக தெரிவிக்கப்படுகின்றமை குறிப்பிடத்தக்கது.