திரியாய் படுகொலை 39 ஆண்டுகள் நிறைவை முன்னிட்டு விசேட பூசை நிகழ்வுகள்

Sri Lankan Tamils Trincomalee Eastern Province

By Aadhithya Aug 09, 2024 07:46 PM GMT

Aadhithya

in சமூகம்

Report

திருகோணமலை (Trincomalee) – திரியாய் பகுதியில் அப்பாவி பொது மக்கள் படுகொலை செய்யப்பட்டு 39ஆண்டுகள் நிறைவை முன்னிட்டு விசேட பூசை நிகழ்வுகள் ஏற்பாடு செய்யப்பட்டிருந்தது.

குறித்த நிகழ்வானது நேற்று (09) திரியாய் வரத விக்னேஸ்வரர் ஆலயத்தில் இடம்பெற்றுள்ளது,

அத்துடன் படுகொலை செய்யப்பட்ட மக்களின் ஆத்ம சாந்தி வேண்டி பிரார்த்தனை நிகழ்வுகளும் மேற்கொள்ளப்பட்டிருந்தன.

இனவழிப்பு வன்முறை

இதன்போது, “1985 ஆம் ஆண்டு இனவழிப்பு வன்முறை உச்ச கட்டம் அடைந்திருந்த நிலையில் ஆடி மாதம் 5ஆம் திகதி திரியாய் கிராமத்திற்குள் புகுந்த ஆயுததாரிகளும், சிவில் உடை தரித்த காடையர்களும் திரியாய் கிராமத்தில் உள்ள வீடுகள் அனைத்தையும் தீக்கிரையாக்கியதுடன் சொத்துக்களையும் தீக்கிரையாக்கி அழித்தார்கள்.

திரியாய் படுகொலை 39 ஆண்டுகள் நிறைவை முன்னிட்டு விசேட பூசை நிகழ்வுகள் | Trincomalee Thiriyai Massacre 39Th Anniversary

இதனைத் தொடர்ந்து, அதே வருடம் ஓகஸ்ட் மாதம் 10 ஆம் திகதி திரியாய் அகதி முகாமில் தஞ்சமடைந்திருந்த அப்பாவி பொதுமக்கள் 12 பேரை மக்களின் போக்குவரத்திற்காக ஈடுபட்டிருந்த இலங்கை போக்குவரத்து சபைக்கு சொந்தமான பேரூந்தில் ஏற்றிச் சென்று கஜுவத்த என்னும் இடத்தில் வைத்து அவர்கள் அணிந்திருந்த மேற்சட்டையை கழட்டி அவர்களது கைகளை கட்டி ஓடவிட்டு சுட்டு படுகொலை செய்யப்பட்டனர்.

இந்நிலையில், கிராம மக்கள் பலர் கிராமத்தை விட்டு வெளியேறியநிலையில் திரியாய் தமிழ் மகா வித்தியாலயத்தில் அகதிகளாக தஞ்சம் அடைந்திருந்கவர்கள் மீதே இவ் வன்முறை சம்பவம் இடம்பெற்றிருந்ததாக” மக்கள் குறிப்பிட்டுள்ளனர்.