பென்குயின்கள் மட்டும் வாழும் இரண்டு தீவுகளுக்கு ட்ரம்ப் விதித்த வரி
அன்டாடிகாவில் பென்குயின்கள் வாழும் இரு தீவுகளுக்கு அமெரிக்க ஜனாதிபதி டொனால்ட் ட்ரம்ப் 10 சதவீத வரி விதித்துள்ளார். இதுதொடர்பான நகைச்சுவை ‘மீம்ஸ்கள்’ சமூக வலைதளங்களில் வைரலாக பரவி வருகின்றன.
அமெரிக்க பொருட்கள் மீது அதிக இறக்குமதி விதிக்கும் நாடுகளுக்கு அதே அளவு பரஸ்பர வரி விதிக்கப்படும் என்று ஜனாதிபதி ட்ரம்ப் அறிவித்திருந்தார். இதன்படி 180க்கும் மேற்பட்ட நாடுகளுக்கான வரி விகிதங்களை ஜனாதிபதி ட்ரம்ப் நேற்று முன்தினம் வெளியிட்டார்.
இந்த பட்டியலில் அன்டாடிகாவில் உள்ள ஹியர்ட், மெக்டொனால்ட் ஆகிய 2 தீவுகள் இடம் பெற்றுள்ளன. இந்த தீவுகளில் பென்குயின் பறவைகள் மட்டுமே வாழ்கின்றன. மனிதர்களே வசிக்காத இரு தீவுகளுக்கும் அமெரிக்க ஜனாதிபதி ட்ரம்ப் 10 சதவீத வரி விதித்திருக்கிறார்.
வைரலாகும் மீம்ஸ்
இதுதொடர்பாக எக்ஸ், பேஸ்புக், இன்ஸ்டாகிராம் உள்ளிட்ட சமூக வலைதளங்களில் நகைச்சுவை ‘மீம்ஸ்கள்’ வைரலாக பரவி வருகின்றன.
கிறிஸ்டோபர் என்பவர் சமூக வலைதளத்தில் இது குறித்தது பதிவொன்றை வெளியிட்டுள்ளார். “அமெரிக்க ஜனாதிபதி ட்ரம்பின் வரி விதிப்பிலிருந்து பென்குயின்கள்கூட தப்ப முடியாது” என்று குறிப்பிட்டு உள்ளார். அதோடு அவர் கிராபிக்ஸ் புகைப்படம் ஒன்றையும் வெளியிட்டுள்ளார். அதில் வெள்ளை மாளிகையில் ஜனாதிபதி ட்ரம்புடன் ஒரு பென்குயின் ஆக்ரோஷமாக பேசுகிறது. என குறித்த பதிவில் குறிப்பிடப்பட்டுள்ளது.
கண் கலங்கி நிற்கும் பென்குயின்கள்
மேலும் கனடாவை சேர்ந்த ஒருவர் சமூக வலைதளத்தில் இது குறிதது பதிவொன்றை வெளியிட்டுள்ளார். “அமெரிக்க ஜனாதிபதி ட்ரம்பின் 10 சதவீத வரி விதிப்பால் பென்குயின்கள் கண் கலங்கி நிற்கின்றன. அதிபரிடம் நேரடியாக நியாயம் கேட்கின்றன. எங்கள் மீதான வரிவிதிப்பை ரத்து செய்யுங்கள் என்று ட்ரம்பிடம் பென்குயின்கள் மன்றாடுகின்றன” என்று குறிப்பிட்டுள்ளார். அதோடு அவர் ஒரு கிராபிக்ஸ் புகைப்படத்தையும் வெளியிட்டுள்ளார். அதில் ட்ரம்பை சுற்றி ஏராளமான பென்குயின்கள் கண்ணீர்மல்க நிற்கின்றன. என குறித்த பதிவில் குறிப்பிட்டுள்ளார்.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
வீமன்காமம் வடக்கு, யாழ்ப்பாணம், பரிஸ், France, Ajax, Canada
03 Apr, 2025
புங்குடுதீவு 4ம் வட்டாரம், பரிஸ், France, சூரிச், Switzerland
10 Apr, 2022
ஏழாலை, யாழ்ப்பாணம், Bad Marienberg, Germany, Hayes, United Kingdom
31 Mar, 2025