இரண்டு துப்பாக்கிகளுடன் இன்று அதிகாலை பெண் உட்பட இருவர் கைது!
இரண்டு துப்பாக்கிகளுடன் பெண் உட்பட இருவர் இன்று அதிகாலை(02) கைது செய்யப்பட்டுள்ளனர்.
சேதாவத்தை பிரதேசத்தில் இடம்பெற்ற கொலைச் சம்பவத்திற்கு பயன்படுத்தப்பட்டதாக சந்தேகிக்கப்படும் இரண்டு ரி 56 ரக துப்பாக்கிகள், இரண்டு மகசின்கள், 26 தோட்டாக்கள் மற்றும் 100 கிராம் ஹெரோயின் என்பன வெல்லம்பிட்டிய பிரதேசத்தில் இன்று (02) அதிகாலை கைப்பற்றப்பட்டுள்ளதாக குற்றப் புலனாய்வு திணைக்களத்தின் கொலை மற்றும் ஒழுங்கமைக்கப்பட்ட குற்றப் புலனாய்வுப் பிரிவினர் தெரிவித்துள்ளனர்.
டுபாயில் உள்ள குற்றவாளியின் நெருங்கிய சகாக்கள்
கைது செய்யப்பட்ட சந்தேகநபர் டுபாயில் தலைமறைவாக உள்ள ஒழுங்கமைக்கப்பட்ட குற்றவாளியான சேடவத்த கசுனின் நெருங்கிய சகாக்கள் என தெரியவந்துள்ளதாகவும் அந்த பிரிவு தெரிவித்துள்ளது.
சந்தேகநபர்கள் இருவரும் நீதிமன்றில் முன்னிலைப்படுத்தப்பட்டு மேலதிக விசாரணைகளுக்கு உட்படுத்தப்படவுள்ளனர்.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
நெடுந்தீவு, மானிப்பாய், வளசரவாக்கம், India, பளை, திருநாவற்குளம்
22 Feb, 2026
