ரஷ்யாவுக்கு எதிராக அமெரிக்காவின் அதிரடி முடிவு: நகர்வெடுக்கும் அணுவாயுத கப்பல்கள்

Donald Trump Vladimir Putin Russo-Ukrainian War United States of America Russia

By Dilakshan Aug 01, 2025 09:02 PM GMT

Dilakshan

in உலகம்

Report

ரஷ்ய முன்னாள் ஜனாதிபதி டிமித்ரி மெத்வெதேவ் வெளியிட்ட கடுமையான எச்சரிக்கைக்கு பதிலாக ரஷ்யா அருசே இரண்டு அணுசக்தி நீர்மூழ்கிக் கப்பல்களை நிலைநிறுத்த அமெரிக்க ஜனாதிபதி டொனால்ட் ட்ரம்ப் உத்தரவிட்டுள்ளதாக தெரிவித்துள்ளார்.

இது தொடர்பான அறிவிப்பை ட்ரம்ப் தனது உத்தியோகபூர்வ சமூக ஊடகதளத்தில் வெளியிட்டுள்ளார்.

அதில் “ரஷ்ய பாதுகாப்பு குழுவின் துணைத் தலைவர் மற்றும் முன்னாள் ஜனாதிபதி மெத்வெதேவ் வெளியிட்ட மிக கடுமையான மற்றும் தூண்டுதலாகக் காணப்படும் கருத்துகளுக்கு பதிலாக, இரண்டு அணு உபமெருகணைகளை ‘தக்க பகுதிகளில்’ நிலைநாட்ட உத்தரவிட்டுள்ளேன்.

வார்த்தைகளின் விளைவு

இவை வெறும் வார்த்தைகளாக இல்லாமல், அதற்கு அப்பாற்பட்ட எதையாவது குறிக்குமானால், முன்னேற்பாடாகவே இது,” என அவர் குறிப்பிட்டுள்ளார்.

ரஷ்யாவுக்கு எதிராக அமெரிக்காவின் அதிரடி முடிவு: நகர்வெடுக்கும் அணுவாயுத கப்பல்கள் | Two Us Nuclear Submarines Approaching Russia

"வார்த்தைகள் மிக முக்கியமானவை; அவை எதிர்பாராத விளைவுகளுக்கு வழிவகுக்கும். இந்த முறை அவ்வாறாக இருக்கக்கூடாது" என்றும் அவர் கூறியுள்ளார்.

இதற்குமுன், உக்ரைன் மீது நடக்கும் போரை முடிவுக்கு கொண்டு வர ரஷ்யாவுக்கு 10 நாட்கள் கால அவகாசம் அளிக்கப்படும் என்றும், இல்லையெனில் ரஷ்யா மற்றும் அதன் கூட்டாளிகள் கடுமையான வரி சுமைகளை சந்திக்க நேரிடும் என்றும் ட்ரம்ப் எச்சரித்திருந்தார்.

அமெரிக்கா-ரஷ்யா பதற்றம் அதிகரிப்பு

இந்த எச்சரிக்கையை மெத்வெதேவ் கண்டனம் செய்யும் வகையில், "ரஷ்யா இஸ்ரேல் அல்லது ஈரான் அல்ல. ஒவ்வொரு புதிய உத்தரவும் நேரடியான மோதலை ஏற்படுத்தும்" என குறிப்பிட்டார்.

மேலும், சோவியத் யுகத்தில் இயங்கிய 'டெட் ஹேண்ட்' எனப்படும் தானாகவே அணு தாக்குதல் நிகழ்த்தும் அமைப்பும் இன்றும் செயலில் இருப்பதாகவும் அவர் நினைவூட்டினார்.

இவ்வாறு இரு நாடுகளின் தலைவர்கள் இடையே ஏற்பட்ட வார்த்தை மோதல், அமெரிக்கா-ரஷ்யா இடையேயான பதற்றத்தை மேலும் அதிகரித்துள்ளது.