இரண்டு பெண்களை உடன் கைது செய்யுமாறு பிடியாணை உத்தரவு

Sri Lanka Police Sri Lanka Magistrate Court

By Sumithiran Feb 05, 2025 07:20 PM GMT

Sumithiran

in குற்றம்

Report

பிணை நிபந்தனைகளை மீறி ஊடக சந்திப்பை நடத்தி பாதிக்கப்பட்டவர்களுக்கு அழுத்தம் கொடுத்ததற்காக இரண்டு சந்தேக நபர்களை உடனடியாக கைது செய்யுமாறு கொழும்பு மேலதிக நீதவான் ஹர்ஷன கெக்குனவெல இன்று (05) பொரளை காவல்துறையினருக்கு உத்தரவிட்டார்.

தலவதுகொடவைச் சேர்ந்த பாத்திமா நுஸ்ரா இர்ஷாத் மற்றும் அவரது தாயார் நவூசியா நோசம் ஆகிய இரு சந்தேக நபர்களையும் கைது செய்யுமாறு மேலதிக நீதவான் காவல்துறையினருக்கு உத்தரவிட்டார்.

சமூக ஊடகங்களில் பரப்பப்பட்ட குழந்தையின் நிர்வாண புகைப்படங்கள்

இந்த சம்பவம் தொடர்பாக பொரளை காவல்துறை கான்ஸ்டபிள் (36052) ஹேமகுமார நீதிமன்றத்தில் சமர்ப்பித்த உண்மைகளை பரிசீலித்த பின்னர் மேலதிக நீதவான் இந்த உத்தரவை பிறப்பித்தார்.

இரண்டு பெண்களை உடன் கைது செய்யுமாறு பிடியாணை உத்தரவு | Two Women Ordered To Be Arrested

பொரளை பகுதியைச் சேர்ந்த ஒரு பெண், தனது எட்டு வயது குழந்தையின் நிர்வாண புகைப்படங்கள் சமூக ஊடகங்களில் வெளியிடப்பட்டதாகக் கூறி, பொரளை காவல்துறையில் முன்னர் முறைப்பாடு அளித்திருந்தார்.

நீதிமன்றம் பிறப்பித்த உத்தரவு

அந்த முறைப்பாடு தொடர்பாக சந்தேக நபரான பாத்திமா நுஸ்ரா நீதிமன்றத்தில் முற்படுத்தப்பட்ட பின்னர் பிணையில் விடுவிக்கப்பட்டார். பிணையில் விடுவிக்கப்பட்ட சந்தேக நபர், தனது தாயாருடன் ஊடக சந்திப்பை நடத்தியதாகவும் பொரளை காவல்துறையினர் நீதிமன்றத்திற்கு அளித்த அறிக்கையில் குறிப்பிட்டுள்ளனர்.

இரண்டு பெண்களை உடன் கைது செய்யுமாறு பிடியாணை உத்தரவு | Two Women Ordered To Be Arrested

வழக்கு எண் B.31571/02/25 இல் புகார்தாரரை சங்கடப்படுத்தும் வகையிலும், காவல்துறை, நீதிமன்றம், பாதிக்கப்பட்டவர்கள் மற்றும் சந்தேக நபர்களை பாதிக்கும் வகையிலும் தொடர்புடைய சந்தேக நபர்கள் அறிக்கைகளை வெளியிட்டதாக காவல்துறை நீதிமன்றத்திற்கு தெரிவித்தது.