பாடசாலை வளாகத்தில் கண்டுபிடிக்கப்பட்ட பாரிய நிலக்கீழ் அறை

கம்பளை நகரில் அமைந்துள்ள ஒரு முன்னணி பௌத்த பாடசாலையின் வளாகத்தில், இருபது ஆண்டுகளுக்கும் மேலான பழமையானதாக சந்தேகிக்கப்படும் ஒரு இரகசியமான பெரிய நிலத்தடி அறை கண்டுபிடிக்கப்பட்டதாக தகவல் வெளியாகியுள்ளது.

பாடசாலை வளாகத்தில் ஏற்பாடு செய்யப்பட்டிருந்த டெங்கு ஒழிப்பு சிரமதான நடவடிக்கையின் போது இந்த அசாதாரண கட்டுமானம் தற்செயலாக வெளிப்பட்டுள்ளது. இது குறித்து அதிபர் வலயக் கல்வி அலுவலகத்திலும் கம்பளை காவல் நிலையத்திலும் உத்தியோகபூர்வமாக முறைப்பாடு செய்துள்ளார். 

டெங்கு பரவலை கட்டுப்படுத்த பாடசாலையில் சுத்தம்

தற்போது பரவி வரும் டெங்கு நுளம்பு பரவலைக் கட்டுப்படுத்தும் நோக்கில், மாணவர்கள் மற்றும் ஆசிரியர்கள் இணைந்து இரண்டரை ஏக்கர் பரப்பளவுள்ள பாடசாலைத் தோட்டத்தை சுத்தம் செய்யும் பணிகளில் ஈடுபட்டிருந்தனர்.

அப்போது, பாடசாலை சிற்றுண்டிச்சாலையிலிருந்து வெளியேறும் கழிவுநீரை முறையாக வெளியேற்றுவதற்காக, அறிவுறுத்தல்களின்படி ஒன்றரை அல்லது இரண்டு அடி ஆழமுள்ள குழி தோண்ட குழுவினர் நடவடிக்கை எடுத்தனர். அப்போது நிலத்தடியில் சிமெந்து கொங்கிரீட் தளம் ஒன்று கண்டறியப்பட்டது.

மோட்டார் போக்குவரத்து திணைக்களத்தின் பெயரில் மோசடி : மக்களுக்கு காவல்துறை எச்சரிக்கை

கழிவு நீரால் வந்த வில்லங்கம்

அது பழைய கழிவுநீர் அமைப்பின் ஒரு பகுதி என்று கருதி, கழிவுநீர் குழாயை அந்தக் கொங்கிரீட் அடுக்கை துளையிட்டு உள்ளே செலுத்தியுள்ளனர்.

எவ்வாறாயினும், இந்தச் சம்பவத்திற்குப் பிறகு, பாடசாலை எல்லைக்கு அருகில் வசிக்கும் ஒரு வீட்டின் பெண் ஒருவர் வந்து ஒரு விசித்திரமான புகாரை அளித்துள்ளார். பாடசாலை வளாகத்திலிருந்து கீழே விடப்பட்ட ஒரு குழாய் வழியாக தனது அறையில் உள்ள மின்விசிறிக்கு அருகில் கழிவுநீர் வருவதாக அவர் கூறியுள்ளார்.

கம்பளை நுவர வீதிக்கு அருகில், உயரமான பாடசாலை வளாகத்திற்கு கீழே அமைந்துள்ள இந்த வீட்டின் உரிமையாளர்கள், பாடசாலை நிலத்தின் அடியில் நாற்பது அடி நீளமுள்ள ஒரு கட்டிடப் பகுதியை உள்நோக்கி கட்டியிருப்பது பின்னர் தெரியவந்தது. சம்பந்தப்பட்ட தரப்பினர் அது தங்கள் வாகன நிறுத்துமிடம் மற்றும் பொருட்கள் சேமிக்கும் அறையாகப் பயன்படுத்தப்பட்டதாகக் கூறியுள்ளனர்.

"இராணுவத் தளபதி உட்பட அனைத்தையும் நியமிக்கும் கர்தினால்" சாமர சம்பத் பரபரப்பு தகவல்

இருபது ஆண்டுகளாக இரகசியமாக இருந்த பதுங்குகுழி

அரசுச் சொத்தான பாடசாலை நிலத்தின் அடியில் இத்தகைய கட்டுமானத்தை மேற்கொண்டு, அதன் மீது ஒன்றரை அடி உயரத்திற்கு மண் போட்டு மூடியதால், இது இருபது முப்பது ஆண்டுகளாக இரகசியமாக இருந்துள்ளது என்பது தெரியவந்துள்ளது.

இந்த பதுங்கு குழி போன்ற இடத்திற்கு அருகிலேயே பாடசாலையின் காலைக் கூட்டங்கள் கூட நடத்தப்பட்டுள்ளன. சுமார் தொள்ளாயிரம் மாணவர்கள் மற்றும் ஆசிரியர்களின் பாதுகாப்பு குறித்து கடுமையான அச்சுறுத்தல் எழுந்துள்ளதாக ஆசிரியர்கள் சுட்டிக்காட்டுகின்றனர்.

தற்போதைய அதிபர் தலைமையிலான நிர்வாகத்தின் தலையீட்டால் தற்போது காவல்துறை விசாரணைகள் நடைபெற்று வருகின்றன. 

யாழில் தமிழினப்படுகொலைக்கு சர்வதேச நீதி கோரும் ''நீதியின் ஓலம் 2" : விடுக்கப்பட்டுள்ள அழைப்பு