ஆட்களற்று மர்மமானமுறையில் கரையொதுங்கிய இந்திய படகுகள் - விசாரணைகள் தீவிரம்
சிலாபம் உடப்பு பொலிஸ் பிரிவுக்குட்பட்ட சின்னபாடு கடற்கரைப் பகுதியில் இந்திய மீனவர்களுக்கு சொந்தமான இரண்டு படகுகள் ஆட்கள் எவருமில்லாத நிலையில் கரையொதுங்கிய நிலையில் விசாரணைகள் முடுக்கிவிடப்பட்டுள்ளன.
குறித்த ஆட்களற்ற படகுகளை இன்று காலை கண்டுபிடித்ததாக உடப்பு பொலிஸார் தெரிவித்தனர்.
இவை இந்தியாவில் பதிவு செய்யப்பட்ட இரண்டு மீன்பிடி படகுகள் என்று சின்னபாடு மீனவ சங்கத்தின் தலைவர் ஜேம்சன் பெர்னாண்டோ தெரிவித்தார். சுமார் ஐம்பது அடி நீளமும் ஆறு அடி அகலமும் கொண்ட இந்த வகை படகு இலங்கை மீனவர்களால் பயன்படுத்தப்படுவதில்லை, இந்த வகை படகு தென்னிந்தியாவில் உள்ள மீனவர்களால் பரவலாக பயன்படுத்தப்படுகிறது.
இரண்டு இயந்திரங்கள் இயங்கும் இந்த படகு பத்து பேரை எளிதில் சுமந்து செல்லக்கூடியது மற்றும் பல நாட்கள் கடலில் மீன்பிடிக்கக்கூடிய திறன் கொண்டது.
இரண்டு படகுகளிலும் பல கையுறைகள், இந்தியாவில் பயன்படுத்தப்படும் ஒரு சிறிய வெற்றிலை மற்றும் ஆறு பிளாஸ்டிக் கான்களும் மீட்கப்பட்டுள்ளன.
இது தொடர்பில் இலங்கை கடற்படை மற்றும் உடப்பு பொலிஸார் தீவிர விசாரணைகளை முன்னெடுத்துள்ளனர்.
வேலணை 1ம் வட்டாரம், மண்கும்பான் மேற்கு, Liestal, Switzerland
10 Aug, 2025
புங்குடுதீவு 1ம் வட்டாரம், புங்குடுதீவு, India, Lausanne, Switzerland
09 Aug, 2025
