நேபாளத்தில் உள்ள இலங்கையர்கள்: காத்மண்டு தூதரகத்தின் விசேட அறிவிப்பு

Sri Lanka Sri Lankan Peoples Nepal World

By Pavi Aug 27, 2026 07:43 AM GMT

Pavi

in உலகம்

Report

புதிய இணைப்பு

நேபாளத்தில் நிலவும் தற்போதைய வெள்ளப்பெருக்கு அனர்த்த சூழ்நிலைக்கு மத்தியில், அங்கு வசிக்கும் மற்றும் தங்கியுள்ள இலங்கைப் பிரஜைகள் குறித்த புள்ளிவிபரத் தகவல்களைக் காத்மண்டுவில் உள்ள இலங்கைத் தூதரகம் வெளியிட்டுள்ளது.

தூதரகத்தில் பதிவு செய்யப்பட்டுள்ள தகவல்களின்படி, நேபாளத்தில் மொத்தம் 83 இலங்கையர்கள் உள்ளனர்.

பிரிவு வாரியான விபரங்கள்

மாணவர்கள்: 23

பணியாளர்கள் (வேலை செய்பவர்கள்): 28

சுற்றுலாப் பயணிகள்: (குறிப்பிட்ட எண்ணிக்கை பதிவாகவில்லை)

நேபாளப் பிரஜைகளைத் திருமணம் செய்தவர்கள் : 5

ஏனையோர்: 27

மொத்த எண்ணிக்கை : 83

முதலாம் இணைப்பு

நேபாளத்தில் நிலவும் அவசர நிலைமையைக் கருத்தில் கொண்டு, அந்நாட்டில் வசிக்கும் இலங்கையர்கள் விழிப்புடனும் பாதுகாப்பாகவும் இருக்குமாறு காத்மாண்டுவில் உள்ள இலங்கைத் தூதரகம் அறிவுறுத்தியுள்ளது.

வெள்ளம் மற்றும் நிலச்சரிவு அதிகம் ஏற்படக்கூடிய அபாயமுள்ள மாவட்டங்களில் அருகாமையில் வசிக்கும் இலங்கையர்கள் தேவையான பாதுகாப்பு நடவடிக்கைகளைப் பின்பற்றுமாறும் தூதரகம் கேட்டுக்கொண்டுள்ளது.

இதுவரை அனர்த்ததில் சிக்கி 500க்கும் மேற்பட்ட சுற்றுலாப் பயணிகள் காணாமல் போயுள்ளதாக அந்த நாட்டு ஊடகங்கள் தகவல்கள் தெரிவிக்கின்றன.

காத்மாண்டுவில் உள்ள இலங்கைத் தூதரகம்

எனவே அந்நாட்டில் அவசர உதவி அல்லது ஒருங்கிணைப்பு தேவைப்படும் இலங்கையர்கள் காத்மாண்டுவில் உள்ள இலங்கைத் தூதரகத்தை 24 மணி நேர ஹாட்லைன் +977 9851048653 அல்லது slemk.kathmandu@mfa.gov.lk என்ற மின்னஞ்சல் ஊடாக தொடர்புகொள்ளலாம்.

நேபாளத்தில் உள்ள இலங்கையர்கள்: காத்மண்டு தூதரகத்தின் விசேட அறிவிப்பு | Urgent Notice For Sri Lankans In Nepal

எனினும், நேபாளத்தில் ஏற்பட்டுள்ள வெள்ளம் மற்றும் நிலச்சரிவுகளால் இதுவரை எந்தவொரு இலங்கையரும் பாதிக்கப்பட்டதாக தகவல் கிடைக்கவில்லை என இலங்கைத் தூதரகம் உறுதிப்படுத்தியுள்ளது.

காணாமல் போனவர்களில் இந்தியாவைச் சேர்ந்த 100க்கும் மேற்பட்டோரும், அமெரிக்காவைச் சேர்ந்த 54 பேரும், இங்கிலாந்தைச் சேர்ந்த 33 பேரும் மற்றும் நேபாளத்தைச் சேர்ந்த 100-க்கும் மேற்பட்டோரும் அடங்குகின்றனர்.