இலங்கையின் பொருளாதார சீர்திருத்த முயற்சிகளுக்கு அமெரிக்கா ஆதரவு...!
இலங்கையின் பாதுகாப்பு மற்றும் இறையாண்மை மற்றும் சர்வதேச நாணய நிதியத்தின் பிணை எடுப்பு திட்டத்தின் நிதி, நாணய மற்றும் ஆளுகை கூறுகளை நிறைவு செய்வதற்கான இலங்கையின் தொடர்ச்சியான முயற்சிகளுக்கு அமெரிக்கா தொடர்ந்தும் ஆதரவளிக்கும் என அமெரிக்காவின் தேசிய பாதுகாப்பு ஆலோசகர் ஜேக் சல்லிவன் தெரிவித்துள்ளார்.
இலங்கையின் தேசிய பாதுகாப்பு ஆலோசகர் சாகல ரத்நாயக்கவுடன் கடந்த புதன்கிழமையன்று (03) நடைபெற்ற தொலைபேசி உரையாடலின் போதே அவர் இதனைத் தெரிவித்திருந்தார்.
"இலங்கையின் பாதுகாப்பு மற்றும் இறையாண்மைக்கு அமெரிக்காவின் ஆதரவு உட்பட இருதரப்பு ஈடுபாடுகள் குறித்து அவர்களின் கலந்துரையாடல் உள்ளடக்கப்பட்டுள்ளது" என்று வெள்ளை மாளிகை வெளியிட்டுள்ள அறிக்கையில் கூறப்பட்டுள்ளது.
எதிர்கால வாய்ப்புகள்
அதன் சர்வதேச நாணய நிதியத்தின் (IMF) திட்டத்தின் நிதி, நாணய மற்றும் ஆளுகை கூறுகளை நிறைவு செய்வதற்கான இலங்கையின் தற்போதைய முயற்சிகள் மற்றும் ஒத்துழைப்பிற்கான எதிர்கால வாய்ப்புகள் குறித்தும் சல்லிவன் மற்றும் ரத்நாயக்க இதன்போது கலந்துரையாடியுள்ளனர்.
2023 ஆம் ஆண்டு அனுமதிக்கப்பட்ட 3 பில்லியன் அமெரிக்க டொலர் பிணை எடுப்பில் இருந்து 337 மில்லியன் அமெரிக்க டொலர்களை பெற்றுக்கொள்ளும் வகையில், அடுத்த கட்டமாக இலங்கையுடன் பணியாளர் மட்ட உடன்பாட்டை எட்டியுள்ளதாக சர்வதேச நாணய நிதியம் கடந்த மார்ச் மாதம் 21 அன்று தெரிவித்தது.
நுண் பொருளாதாரக் கொள்கை
2023 மார்ச் மற்றும் டிசம்பர் மாதங்களில் தலா 330 மில்லியன் டொலர் இரண்டு தவணைகள் வெளியிடப்பட்டன.
நுண் பொருளாதாரக் கொள்கை சீர்திருத்தங்கள் பலனைத் தரத் தொடங்குகின்றன என்று கூறியதால், சர்வதேச நாணய நிதியத்தின் உலகளாவிய கடன் வழங்குநர் இலங்கையை பாராட்டியிருந்தமை குறிப்பிடத்தக்க விடயமாகும்.
செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்... |
புங்குடுதீவு, கொழும்பு, Sanaa, Yemen, சென்னை, India, Toronto, Canada, Sacramento, United States
07 Nov, 2026
இமையானன் கிழக்கு உடுப்பிட்டி, சுவிஸ், Switzerland, London East Ham, United Kingdom
14 Oct, 2026
அல்லைப்பிட்டி, பிரான்ஸ், France
12 Nov, 2011
