ரஷ்யாவிடமிருந்து எண்ணெய்: எரிவாயு இறக்குமதி செய்யும் நாடுகளுக்கு பேரிடி!
ரஷ்யாவிடமிருந்து கச்சா எண்ணெய் மற்றும் இயற்கை எரிவாயுவை இறக்குமதி செய்யும் நாடுகளின் பொருட்களுக்கு 100 சதவீதம் வரை வரி விதிக்க வழிவகுக்கும் சட்டமூலம், அமெரிக்க செனட் சபையில் 86-11 என்ற பெரும்பான்மை வாக்குகளுடன் நிறைவேற்றப்பட்டுள்ளது.
"லிண்ட்சே ஒ. கிரஹாம் ரஷ்யா மற்றும் ஈரான் தடைகள் சட்டம் 2026" என அழைக்கப்படும் இந்தச் சட்டமூலம், ரஷ்யாவிடமிருந்து எண்ணெய் மற்றும் எரிவாயுவை தொடர்ந்து இறக்குமதி செய்யும் முக்கிய நாடுகளுக்கு எதிராக கடுமையான வர்த்தக நடவடிக்கைகளை மேற்கொள்ள அமெரிக்காவுக்கு வழிவகை செய்கிறது.
இந்தச் சட்டம் அமுலுக்கு வந்தால், சீனா மற்றும் இந்தியா உட்பட ரஷ்ய எரிபொருளை இறக்குமதி செய்யும் குறைந்தது ஐந்து முக்கிய நாடுகள் பாதிக்கப்படக்கூடும் என எதிர்பார்க்கப்படுகிறது.
100 சதவீதம் வரை வரி
மேலும், மேற்கத்திய நாடுகளின் தடைகளைத் தவிர்ப்பதற்காக பயன்படுத்தப்படுவதாகக் கூறப்படும் ரகசிய கடல்சார் விநியோக வலையமைப்புகளையும் இந்தச் சட்டமூலம் குறிவைக்கிறது.
செனட் சபையில் 86-11 என்ற வாக்குகளுடன் நிறைவேற்றப்பட்டுள்ள இந்தச் சட்டமூலம், அடுத்த கட்டமாக அமெரிக்க பிரதிநிதிகள் சபைக்கு அனுப்பப்பட உள்ளது.
எனினும், பிரதிநிதிகள் சபையின் கோடைக்கால விடுமுறை காரணமாக, அங்கு இதற்கான வாக்கெடுப்பு ஆகஸ்ட் மாதத்திற்குப் பின்னர், செப்டம்பர் தொடக்கத்தில் நடைபெறும் என எதிர்பார்க்கப்படுகிறது.
ரஷ்ய ஜனாதிபதி விளாடிமிர் புடினின் போர் நடவடிக்கைகளுக்கு செல்லும் நிதிப் பாய்ச்சலைக் கட்டுப்படுத்துவதே இந்த நடவடிக்கையின் முக்கிய நோக்கம் என அமெரிக்க அரசியல் தலைவர்கள் தெரிவித்துள்ளனர்.
இதனிடையே, இந்தச் சட்டமூலத்தை உக்ரைன் ஜனாதிபதி வோலோடிமிர் ஸெலென்ஸ்கி வரவேற்றுள்ளதுடன், அமெரிக்க செனட் சபைக்கு தனது நன்றியையும் தெரிவித்துள்ளார்.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
கோண்டாவில், புன்னாலைக்கட்டுவன், சவுதி அரேபியா, Saudi Arabia, ஜேர்மனி, Germany, Brampton, Canada
20 Jul, 2025
மலேசியா, Malaysia, மானிப்பாய், Duisburg, Germany, London, United Kingdom
10 Jul, 2026
யாழ் நெடுந்தீவு 12ம் வட்டாரம், Jaffna, நயினாதீவு, London, United Kingdom
02 Aug, 2026
