வரவு செலவு திட்டத்தின் இரண்டாம் வாசிப்பு மீதான வாக்கெடுப்பு இன்று!

Sri Lanka Parliament Anura Kumara Dissanayaka NPP Government Budget 2026

By Kanooshiya Nov 14, 2025 04:11 AM GMT

Kanooshiya

in அரசியல்

Report

புதிய இணைப்பு

சபாநாயகர் தலைமையில் இன்றைய (14) நாளுக்கான நாடாளுமன்ற நடவடிக்கைகள் சற்று முன்னர் ஆரம்பமாகின.

அதன்படி, 2026 ஆம் ஆண்டுக்கான வரவு செலவுத் திட்டத்தின் இரண்டாம் வாசிப்பு மீதான விவாதத்தின் ஆறாவது நாள் இன்று ஆரம்பமாகியது.

காலை 09.30 முதல் 10.00 நாடாளுமன்ற நிலையியற் கட்டளை 22 (1) முதல் (6) வரையின் பிரகாரம் நாடாளுமன்ற அலுவல்கள் காலை 10.00 முதல் 10.30 வாய்மூல விடைக்கான வினாக்களுக்கு ஒதுக்கப்பட்டுள்ளது.

காலை 10.30 முதல் 11.00 வரை நாடாளுமன்ற நிலையியற் கட்டளை 27 (2) இன் கீழ் வினாக்களுக்கு ஒதுக்கப்பட்டுள்ளதுடன் காலை 11.00 மாலை 6.00 வரை ஒதுக்கீட்டுச் சட்டமூலம் 2026 இன் இரண்டாம் மதிப்பீடு நடைபெறவுள்ளதுடன் மாலை 06.மணிக்கு இரண்டாம் மதிப்பீடு மீதான வாக்கெடுப்பு நடைபெறும்.

முதலாம் இணைப்பு

2026 ஆம் ஆண்டுக்கான வரவு செலவுத் திட்டத்தின் இரண்டாம் வாசிப்பு மீதான வாக்கெடுப்பு இன்று (14.11.2025) மாலை நடைபெறவுள்ளது.

அதன்படி, குறித்த வாக்கெடுப்பு இன்று (14.11.2025) மாலை 6 மணிக்கு நடைபெறவுள்ளது.

2026 ஆம் ஆண்டுக்கான ஒதுக்கீட்டு சட்டமூலத்தை கடந்த நவம்பர் 7ஆம் திகதி நிதி அமைச்சரும், ஜனாதிபதியுமான அநுரகுமார திசாநாயக்க, நாடாளுமன்றத்தில் சமர்ப்பித்தார்.

ஒதுக்கீட்டு சட்டமூலம்

அதன்படி, ஒதுக்கீட்டு சட்டமூலத்துடன் தொடர்புடைய வரவு செலவுத் திட்ட விவாதம் எதிர்வரும் டிசம்பர் மாதம் 5 ஆம் திகதி வரை நடைபெறும்.

வரவு செலவு திட்டத்தின் இரண்டாம் வாசிப்பு மீதான வாக்கெடுப்பு இன்று! | Vote On The Second Reading Of The Budget

இதேவேளை, வரவு செலவுத் திட்டத்தின் மூன்றாம் வாசிப்பு அல்லது குழு நிலையின் விவாதம் நாளை (15.11.2025) முதல் 17 நாட்களுக்கு நடைபெறவுள்ளது.

அதனைத் தொடர்ந்து, மூன்றாம் வாசிப்பு மீதான வாக்கெடுப்பு டிசம்பர் 5 ஆம் திகதி மாலை 6 மணிக்கு நடத்தப்படவுள்ளது.

வரவு செலவுத் திட்டக் காலப்பகுதியில் அரசாங்க விடுமுறை நாட்கள் மற்றும் ஞாயிற்றுக்கிழமைகளைத் தவிர்த்து ஏனைய நாட்களில் வரவு செலவுத் திட்ட விவாதம் நடைபெறும் என்று பாராளுமன்ற தொடர்பாடல் திணைக்களம் தெரிவித்துள்ளது.

இந்நிலையில், இன்று (14.11.2025) நடைபெறவுள்ள வரவு செலவுத் திட்டத்தின் இரண்டாம் வாசிப்பு மீதான வாக்கெடுப்பிற்கு எதிராக வாக்களிக்கப் போவதாக எதிர்க்கட்சிகள் தெரிவித்துள்ளமை குறிப்பிடத்தக்கது.