வங்காள விரிகுடாவில் மேலடுக்கு சுழற்சி - கொட்டித்தீர்க்கப்போகும் கன மழை..! வெளியாகிய எச்சரிக்கை
இலங்கைக்கு தெற்கே, தென்கிழக்கு வங்காள விரிகுடாவில் வளிமண்டல மேலடுக்கு சுழற்சி ஒன்று உருவாகியுள்ளதாக யாழ். பல்கலைக்கழகத்தின் புவியியல்துறை சிரேஷ்ட விரிவுரையாளர் நாகமுத்து பிரதீபராஜா எதிர்வு கூறியுள்ளார்.
நாட்டின் வானிலை மாற்றம் தொடர்பில் முகநூலில் பதிவொன்றை இட்டு இதனை தெளிவுபடுத்தியுள்ளார்.
கன மழை
இதுவரை மேற்காவுகைச்( வெப்பச்சலனம்) செயற்பாட்டின் காரணமாக மதியத்திற்கு பின்னர் அல்லது அதிகாலை கிடைத்த மழை எதிர்வரும் 11.05.2023 வரை நாளின் எந்நேரத்திலும் கிடைக்கலாம்.
இம்மழை இடி மின்னலுடன் இணைந்ததாக இருப்பதனால் இடிமின்னல் தொடர்பில் அவதானமாக இருப்பது அவசியமாகும்.
எதிர்வரும் 30.04.2023, 01.05.2023 மற்றும் 02.05.2023 காலப்பகுதிகளில் வடக்கு மாகாணத்தின் பல பகுதிகளுக்கும் கன மழை கிடைக்கும் வாய்ப்புள்ளது” - எனத் தெரிவித்துள்ளார்.
முல்லைத்தீவு
இவரது எதிர்வுகூறவுக்கு அமைய, முல்லைத்தீவு மாவட்டத்தில் நிலவிய நீண்ட வெப்பமான வானிலைக்கு பின் இன்று மழை பெய்துள்ளது.
சில கிராமங்களில் மப்பும் மந்தாரமாக இருப்பதாகவும், ஒருசில இடங்களில் மழையுடன் கூடிய காலநிலை நிலவிவருவதாகவும் எமது செய்தியாளர் தெரிவித்துள்ளார்.
மட்டக்களப்பு
மட்டக்களப்பு மாவட்டத்தில் கடந்த நாட்களாக நிலவிய கடுமையான வெப்பநிலையைத் தொடர்ந்து இன்று (29) பல மணி நேரம் கடும் மழை பெய்துள்ளது.
காலை10.30 மணி முதல் நண்பகல் 1.00மணி வரை தொடர்மழை பெய்தததாக தெரிவிக்கப்படுகிறது.
உடுவில், கொழும்பு, Melbourne, Australia, சிங்கப்பூர், Singapore, Kuala Lumpur, Malaysia, Chennai, India, வவுனியா
26 May, 2026
