‘ராணி சிறி லங்கி’ யார்…! பொதுமக்களின் உதவியை நாடும் வெளிநாட்டு விவகார அமைச்சு

லெபனானில் 42 ஆண்டுகளுக்கும் மேலாக வாழ்ந்த நிலையில் உயிரிழந்த, இலங்கையர் என்று நம்பப்படும் ஒரு பெண்ணின் அடையாளம் குறித்துத் தகவல்களை வழங்குமாறு வெளிநாட்டு விவகார, வெளிநாட்டு வேலைவாய்ப்பு மற்றும் சுற்றுலா அமைச்சு பொதுமக்களிடம் கோரிக்கை விடுத்துள்ளது.

அமைச்சு வெளியிட்டுள்ள அறிவிப்பின்படி, அந்தப் பெண் “ராணி சிறி லங்கி” (Rani Sri Lanki) என்ற பெயரில் அறியப்பட்டதாகத் தெரிவிக்கப்படுகிறது.

தகவல் தெரிந்தவர்கள் வழங்க கோரிக்கை

  குறித்த பெண்ணின் அடையாளத்தை உறுதிப்படுத்தவோ அல்லது அவரது குடும்பத்தினர் மற்றும் தெரிந்த நபர்களைக் கண்டறியவோ உதவக்கூடிய தகவல்கள் தெரிந்தவர்கள், முன்வந்து தகவல்களை வழங்குமாறு அமைச்சு கேட்டுக்கொண்டுள்ளது.

தகவல்களை, பத்தரமுல்லையில் உள்ள ‘சுஹுருபாய’ (Suhurupaya) கட்டிடத்தின் 16-வது மாடியில் அமைந்துள்ள அமைச்சின் தூதரக விவகாரப் பிரிவிடம் (Consular Affairs Division) வழங்கலாம்.

பிக்குகளின் போராட்டத்தால் முடங்கிய காலி வீதி போக்குவரத்திற்காக சற்றுமுன்னர் திறப்பு

தொடர்பு கொள்ள வசதி

மேலும், அமைச்சின் அவசர அழைப்பு இலக்கமான +94 11 227 5525 என்ற எண்ணின் ஊடாகவோ அல்லது consular@mfa.gov.lk என்ற மின்னஞ்சல் முகவரி மூலமாகவோ தொடர்புகொள்ள முடியும்.

இந்த அறிவிப்பு வெளியிடப்பட்ட நாளிலிருந்து 14 நாட்களுக்குள் தகவல்களை வழங்குமாறு அமைச்சு கேட்டுக்கொண்டுள்ளது. மேலும், பெறப்படும் அனைத்துத் தகவல்களும் மிகவும் இரகசியமாகப் பாதுகாக்கப்படும் என்றும் தெரிவிக்கப்பட்டுள்ளது.

மன்னாரில் வீதிகளில் ஆபத்தான முறையிலான செயற்பாடு: பாயவுள்ள சட்ட நடவடிக்கை!