இலங்கை வரலாற்றில் முதல்முறையாக சிஐடி பணிப்பாளராக பெண் முன்மொழிவு
இலங்கை காவல்துறை வரலாற்றில் முதன்முறையாக குற்றப்புலனாய்வுத் திணைக்களத்தின் (CID) பணிப்பாளராக பெண் அதிகாரி ஒருவரை நியமிக்க முன்மொழியப்பட்டுள்ளது.
இந்தநிலையில், தற்போது குற்றப் புலனாய்வுப் பிரிவின் பிரதிப் பணிப்பாளராக கடமையாற்றும் சிரேஷ்ட அத்தியட்சகர் இமேஷா முத்துமாலையின் பெயரே இவ்வாறு முன்மொழியப்பட்டுள்ளது.
இலங்கை காவல்துறை வரலாற்றில் 2007 ஆம் ஆண்டு உதவி அத்தியட்சகர்களாக காவல்துறை சேவையில் இணைந்து கொண்ட முதல் மூன்று பெண் உதவி அத்தியட்சகர்களில் இமேஷா முத்துமாலையும் ஒருவர்.
குற்றப் புலனாய்வுப் பிரிவு
இவர் ருஹுணு பல்கலைக்கழகத்தில் விஞ்ஞான இளங்கலை (BSc) மற்றும் திறந்த பல்கலைக்கழகத்தில் சட்ட இளங்கலை (LLB) பட்டம் பெற்றுள்ளார்.
எஸ்.எஸ்.பி முத்துமாலை நுகேகொட காவல்துறை பிரிவில் உதவி அத்தியட்சகராக கடமையாற்றி வந்ததோடு காவல்துறை தீர்வாய பிரிவில் கடமையாற்றியதோடு குற்றப் புலனாய்வு திணைக்களத்தின் கணினி குற்றப் புலனாய்வுப் பிரிவின் மேற்பார்வை அதிகாரியாகவும் கடமையாற்றியுள்ளார்.
இதையடுத்து, இவர் ஜூன் 2021 இல் சிஐடியின் துணை இயக்குநராக நியமிக்கப்பட்டார்.
காவல்துறை பயிற்சிக் கல்லூரி
அமெரிக்க ஹவாய் காவல்துறை பயிற்சிக் கல்லூரியில் நெருக்கடி மேலாண்மை படிப்பு, தாய்லாந்தில் எஃப்.பி.ஐ நடத்திய பணமோசடி தடுப்பு படிப்பு, மலேசியாவில் உள்ள ராயல் காவல்துறை அகாடமியில் குற்றவியல் தடுப்பு காவல் படிப்பு மற்றும் குற்றவியல் தடுப்பு காவல் படிப்பு ஆகியவற்றைப் படித்துள்ளார்.
இந்தியாவில் ஹைதராபாத் காவல்துறை அகாடமி மற்றும் இந்தியாவில் இணைய குற்றங்கள் குறித்த பாடத்தையும் படித்துள்ளார்.
மேலும், குற்றப் புலனாய்வுப் பிரிவின் பணிப்பாளராக முத்துமாலை முன்மொழிந்துள்ள நிலையில், குற்றப் புலனாய்வுத் திணைக்களத்தின் பிரதி இன்ஸ்பெக்டர் ஜெனரல் பதவிக்கு டிஐஜி பி.அம்பாவில பரிந்துரைக்கப்பட்டுள்ளமை குறிப்பிடத்தக்கது.
செய்திகளை உடனுக்குடன் தெரிந்து கொள்ள IBC தமிழ் WHATSAPP இல் இணைந்து கொள்ளுங்கள்...! |
பருத்தித்துறை, யாழ்ப்பாணம், கொழும்பு, Montreal, Canada, Saint-Eustache, Canada
14 Nov, 2025
சங்கானை, யாழ்ப்பாணம், திருநெல்வேலி, கட்டுவன், முன்சன், Germany, Toronto, Canada, Peterborough, Canada
07 Dec, 2021
யாழ்ப்பாணம், யாழ் அச்சுவேலி தோப்பு, Jaffna, பேர்ண், Switzerland
19 Nov, 2025
