சேவையை புறக்கணித்த பெண் இராணுவத்தினர் கைது
இராணுவ பணிக்கு சமூகமளிக்காமல் கொழும்பு (Colombo) புறநகர் - மத்தேகொடையில் உள்ள வீடொன்றில் தலைமறைவாகியிருந்த மூன்று பெண் இராணுவத்தினரை காவல்துறையினர் கைது செய்துள்ளனர்.
கொக்காவில் (Kokavil) மற்றும் சந்துன்புர (Sandhunpura) இராணுவ முகாம்களில் கடமையாற்றும் குறித்த பெண் இராணுவ அதிகாரிகள், ஹசலக்க, தெனிபிட்டிய மற்றும் பொல்கசோவிட்ட ஆகிய பிரதேசங்களில் வசிப்பவர்கள் என தெரிவிக்கப்பட்டுள்ளது.
மேலதிக விசாரணை
சம்பவம் தொடர்பில் மேலும் தெரிய வருகையில், பொல்கசோவிட்டவை சேர்ந்த பெண் இராணுவ அதிகாரி விடுமுறையில் சென்றிருந்த நிலையில், மற்ற இருவரும் அவரைச் சந்திக்க சென்றுள்ளதுடன் பல நாட்களாக வீட்டிலேயே தங்கியிருந்துள்ளனர்.
இந்நிலையில், குறித்த வீட்டில் வசித்து வரும் நபர் ஒருவர், இந்த பெண் இராணுவ அதிகாரிகள் இருப்பது தொடர்பில் 119 என்ற காவல்துறை அவசர இலக்கத்தை தொடர்பு கொண்டு முறைபாடு செய்துள்ளார்.
சம்பவம் தொடர்பில் மேலதிக விசாரணைகளை காவல்துறையினர் மேற்கொண்டு வருகின்றனர்.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
கேகாலை, யாழ்ப்பாணம், Herning, Denmark, Toronto, Canada
19 Sep, 2023
யாழ்ப்பாணம், மானிப்பாய், தொல்புரம், London, United Kingdom
12 Sep, 2024
