800 கோடியைக் கடந்துள்ள உலக சனத்தொகை

United Nations Canada

By Sathangani Nov 11, 2023 05:42 AM GMT

Sathangani

in உலகம்

Report

உலக சனத்தொகை 800 கோடியைக் கடந்து விட்டதாக அமெரிக்க மக்கள்தொகை கணக்கெடுப்பு நிலையம் தெரிவித்துள்ளது.

கடந்த செப்டம்பா் 26-ஆம் திகதியே , இந்த எண்ணிக்கையை கடந்திருக்கலாம் எனவும் கணிக்கப்பட்டுள்ளது.

இது தொடா்பாக வெளியிடப்பட்டுள்ள அறிக்கையில் தெரிவிக்கப்பட்டுள்ள விடயங்களாக

800 கோடியாக அதிகரிப்பு

உலக சனத்தொகை கடந்த செப்டம்பரில் 800 கோடியைக் கடந்துவிட்டதாக தெரிவிக்கப்பட்ட இதேவேளை கடந்த ஆண்டு நவம்பா் மாதமே, உலக சனத்தொகை இந்த எண்ணிக்கையை அடைந்துவிட்டதாக ஐ.நா.சபை மதிப்பிட்டிருந்தது.

800 கோடியைக் கடந்துள்ள உலக சனத்தொகை | World Population Has Surpassed 8 Billion

சனத்தொகை கணக்கெடுப்பு முறை நாட்டுக்கு நாடு வேறுபடுவதால் இந்த முரண்பாடு நிலவுகின்றதாக தெரிவிக்கப்படுகின்றது.

இந்த நிலையில் உலக சனத்தொகை தொடா்ச்சியாக உயா்ந்து வருகிறது.

கடந்த 2000 ஆம் ஆண்டு 600 கோடியாக இருந்த உலக சனத்தொகை, தற்போது 800 கோடியாக அதிகரித்துள்ளதுடன் மக்களின் சராசரி வயது 32 ஆக அதிகரித்துள்ளது.

முதியோர்களின் இறப்பு விகிதம் குறைவு

வரும் 2060 ஆம் ஆண்டு அது 39 ஆக உயரும் என குறிப்பிடப்படுகின்றது.

800 கோடியைக் கடந்துள்ள உலக சனத்தொகை | World Population Has Surpassed 8 Billion

இதேவேளை கனடா போன்ற நாடுகளில் முதியோா்களின் இறப்பு விகிதம் குறைவடைந்துள்ளதாக தெரிவிக்கப்படுகின்றது.

கடந்த 1960-2000 வரையிலான காலகட்டத்தில் உலக சனத்தொகை வளா்ச்சி விகிதம் 2 மடங்காக இருந்த நிலையில், தற்போது அது குறைவடைந்துள்ளது.

பெண்கள் கருவுறும் விகிதம் தொடா்ச்சியாக குறைந்து வருவதே கடந்த 50 ஆண்டுகளாக உலக சனத்தொகை குறைவான விகிதத்தில் அதிகரித்து வருவதற்கான காரணம் எனத் தெரிவிக்கப்பட்டுள்ளது.