அழுத்தத்துக்கு உள்ளாகியுள்ள ஏமனின் சுகாதார அமைப்பு: எச்சரிக்கும் ICRC

ஏமன் நாட்டில் ஹவுதி அமைப்பினரின் தொடர் முற்றுகை மற்றும் தாக்குதல்கள் தீவிரமடைந்து வருகின்றது.

இதனால் காயமடைந்தவர்களின் எண்ணிக்கை அதிகரித்து மருத்துவமனைகளுக்கு அனுப்பப்படுவதால் ஏற்கனவே பலவீனமான சுகாதார அமைப்பு மேலும் அழுத்தத்துக்கு உள்ளாகியுள்ளதாக அகில இலங்கை செஞ்சிலுவைச் சங்கத்தின் சர்வதேசக் குழு (ICRC) எச்சரிக்கை விடுத்துள்ளது.

மாரிப், தைஸ் மற்றும் செங்கடல் கரையோரங்களில் உள்ள சுகாதார நிலையங்களில் நோயாளிகளின் உயிர் ஆபத்தில் இருப்பதாகவும் சில முன்னணி சுகாதார நிலையங்களில் ஒரே வாரத்தில் 700இற்கும் அதிகமான நோயாளிகள் அனுமதிக்கப்பட்டிருப்பதாகவும் ICRC அறிக்கையொன்றில் குறிப்பிட்டுள்ளது.

ஏமனின் தைஸ் நகரில் தீவிரமடையும் சுகாதார நெருக்கடி: உயிர் ஆபத்தில் பலர்

இடைநிறுத்தும் அபாயம்

காயங்களுக்கு மருந்திடும் குழுக்கள் பெரும் அழுத்தத்தில் உள்ளன. அறுவை சிகிச்சைக்கு தேவையான உபகரணங்கள், மயக்க மருந்துகள், ஒட்சிசன், மருந்துகளுக்கு பெரும் தட்டுப்பாடு நிலவுவதால் சில சுகாதார நிலையங்களால் மட்டுமே விரிவான சிகிச்சைகளை வழங்க முடியும் என்று ICRCஇன் சுகாதார ஒருங்கிணைப்பாளர் ஃபெராஸ் அபுசம்ரா தெரிவித்துள்ளார்.

மேலும் உயிரிழப்புகளை தடுப்பதற்கான சுகாதார அமைப்பின் திறன் மிகவும் குறைவாக இருப்பதே எங்கள் கவலை என ICRC தூதுக்குழுவின் தலைவர் கிறிஸ்டின் சிபோல்லா தெரிவித்துள்ளார்.

குறைந்து வரும் மருத்துவ பொருட்கள் மற்றும் எரிபொருள் காரணமாக தைஸ் நகரிலுள்ள மருத்துவமனைகள் அவசர அறுவை சிகிச்சை, தீவிர சிகிச்சைப் பிரிவு மற்றும் டயாலிசிஸ் உள்ளிட்ட அத்தியாவசிய சேவைகளை இடைநிறுத்தும் அபாயத்தில் இருப்பதாக ஏமனின் சுகாதார அமைச்சகம் விடுத்த எச்சரிக்கையைத் தொடர்ந்து இந்த அறிவிப்பு வெளியாகியுள்ளது.

யாழ். மாவட்ட ஒருங்கிணைப்புக் குழுக் கூட்டத்தில் டோக்கன் முறை அறிமுகம்!

கனமழையால் யாழ்ப்பாணத்தில் ஏற்பட்ட பாதிப்பு: பலருக்கு நேர்ந்த கதி