காவல்துறையினரின் துப்பாக்கி சூடு குறி தவறியதில் உயிரிழந்த இளம் பெண் தொடர்பில் வெளியான தகவல்

Sri Lanka Police Gampaha Sri Lanka Police Investigation

By Kanna Oct 03, 2022 05:50 AM GMT

Kanna

in சமூகம்

Report

மீரிகம, தங்ஹோவிட்ட பிரதேசத்தில் காவல்துறையினர் நடத்திய துப்பாக்கி பிரயோகம் குறி தவறியதில் அனுராபுரத்தில் இருந்து கொழும்பு நோக்கி சென்ற பயணிகள் பேருந்தில் பயணித்துக்கொண்டிருந்த இளம் பெண் ஒருவர் நேற்றைய தினம் கொல்லப்பட்டார்.

பெந்தொட ஹம்புருகல பகுதியைச் சேர்ந்த ஷாமிலி என்ற 29 வயதுடைய பெண் அவ்வாறு கொல்லப்பட்டதாக தகவல்கள் கிடைக்கப்பெற்றுள்ளன.

அத்துடன் , இந்துருவவில் உள்ள சுற்றுலா விடுதி ஒன்றில் பணிபுரிந்து வரும் அவர், இங்கிலாந்து பல்கலைக்கழகம் ஒன்றில் சுற்றுலா நிர்வாகத்தில் பட்டம் பெற்றவர் எனவும் தெரிவிக்கப்படுகிறது.

குறி தவறிய துப்பாக்கி சூடு

காவல்துறையினரின் துப்பாக்கி சூடு குறி தவறியதில் உயிரிழந்த இளம் பெண் தொடர்பில் வெளியான தகவல் | Young Woman Killed In Police Firing In Sri Lanka

தங்ஹோவிட்ட பிரதேசத்தில் உள்ள மதுபானசாலைக்கு மகிழுந்தொன்றில் பிரவேசித்த சிலர், அங்கு கொள்ளையிட்டு தப்பியோட முயன்றுள்ளனர்.

இது தொடர்பில் தமக்கு கிடைத்த தகவலின் பிரகாரம் தங்கொவிட்ட காவல்துறை உத்தியோகத்தர்கள் குழுவொன்று குறித்த இடத்திற்கு சென்றுள்ளதாக தெரிவிக்கப்படுகின்றது.

அதன்போது அவர்கள் தப்பியோட முயன்ற நிலையில், கொள்ளையர்களுக்கும் காவல்துறையினருக்கும் இடையே துப்பாக்கிச்சூடு இடம்பெற்றுள்ளது. சம்பவத்தின்போது, கலென்பிந்துனுவெவயிலிருந்து கொழும்பு நோக்கிப் பயணித்த பேருந்து ஒன்றின் மீதும், காவல்துறையினர் தற்செயலாக துப்பாக்கிப் பிரயோகம் மேற்கொண்டுள்ளனர்.

அதில்,பேருந்தின் பின் ஆசனத்தில் இருந்த குறித்த பெண் படுகாயமடைந்து வத்துபிட்டிவல வைத்தியசாலையில் அனுமதிக்கப்பட்ட பின்னர் உயிரிழந்துள்ளதாக காவல்துறை ஊடகப் பேச்சாளர் சிரேஷ்ட காவல்துறை அத்தியட்சகர் நிஹால் தல்துவ தெரிவித்தார்.

மேலும் இது தொடர்பான செய்திகளைப் படிக்க இங்கே கிளிக் செய்யவும்