109 அறிமுகப்படுத்தப்பட்ட 12 மணித்தியாலங்களுக்குள் 36 முறைப்பாடுகள்
பெண்கள் மற்றும் சிறுவர்களுக்கு எதிரான வன்முறைகளை தெரிவிப்பதற்கான விசேட தொலைபேசி இலக்கமான 109 அறிமுகப்படுத்தப்பட்ட 12 மணித்தியாலங்களுக்குள் 36 முறைப்பாடுகள் கிடைக்கப்பெற்றதாக பெண்கள் மற்றும் சிறுவர் பணியகத்தின் சிரேஷ்ட அதிகாரி ஒருவர் நேற்று(05) தெரிவித்துள்ளார்.
இந்த முறைப்பாடுகள் பல்வேறு மாகாணங்களில் இருந்து கிடைக்கப்பெற்றுள்ளதாகவும், முறைப்பாடு செய்தவர்களில் பெண்களும் சிறுவர்களும் அடங்குவதாகவும் காவல்துறையினர் குறிப்பிட்டுள்ளனர்.
பெண்கள் மற்றும் சிறுவர்களுக்கு எதிராக இடம்பெறும் வன்முறைச் சம்பவங்கள் தொடர்பாக முறைப்பாடுகளைப் பதிவு செய்வதற்கு புதிய தொலைபேசி இலக்கமொன்று பொதுமக்கள் பாதுகாப்பு அமைச்சினால் அறிமுகப்படுத்தப்பட்டது.
24 மணிநேர சேவை
இந்த சேவையானது 24 மணிநேரமும் செயற்படும் வகையில் இருப்பதால் பொதுமக்கள் எந்நேரமும் இந்த இலக்கத்திற்கு அழைப்பினை மேற்கொள்ள முடியும் எனவும் அமைச்சு அறிவித்துள்ளது.
பெண்கள் தொடர்பான புகார்களையும் வழங்க முடியும் என்பதால் இந்த அழைப்புகளிற்கு பதிலளிப்பதற்காக பெண் காவல்துறை அதிகாரிகள் கடைமையில் ஈடுபடுத்தப்படுவார்கள் என்பதும் குறிப்பிடத்தக்கதாகும்.
அதிகரிக்கும் குற்றங்கள்
நாட்டில் பெண்கள் மற்றும் சிறுவர்களுக்கு எதிராக இடம்பெறும் குற்றங்கள் அதிகரித்து வருவதனால் அவற்றை குறைப்பதற்காகவே இந்த முறைமை அறிமுக்கப்படுத்தப்பட்டுள்ளது.
இது தொடர்பான அறிவிப்பு ஏற்கனவே பொது பாதுகாப்பு அமைச்சர் டிரன் அலஸ் இனால் வழங்கப்பட்டிருந்தது.
அதன்படி சென்ற ஆண்டின் (2023) இறுதியில் இலங்கையில் பெண்கள் மற்றும் குழந்தைகளின் பாதுகாப்பிற்காக இந்த ஆண்டு (2024) ஜனவரியில் புதிய தொலைபேசி எண் அறிமுகப்படுத்தப்படும் என்று அமைச்சரினால் கூறப்பட்டிருந்தமை குறிப்பிடத்தக்கது.
செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
அனலைதீவு 3ம் வட்டாரம், புங்குடுதீவு 5ம் வட்டாரம், Bünde, Germany, Selm, Germany
11 Jul, 2024
