ஊழல் குற்றச்சாட்டுகள்: முன்னாள் அமைச்சர்கள் 16 பேர் மீது விசாரணை

 இலங்கையில், முன்னாள் அமைச்சரவை அமைச்சர்கள் 16 பேர், அதிகார துஷ்பிரயோகம் மற்றும் நிதி முறைகேடுகளில் ஈடுபட்டதாகக் கூறப்படும் குற்றச்சாட்டுகளின் பேரில், ஊழல் தடுப்பு அதிகாரிகளால் விசாரிக்கப்பட்டு வருகின்றனர் என்று உள்ளூர் ஊடகச் செய்திகள் தெரிவிக்கின்றன.

முன்னாள் அமைச்சர்கள் மற்றும் நாடாளுமன்ற உறுப்பினர்கள் உட்பட சுமார் 20 அரசியல்வாதிகளின் சொத்துகள் தொடர்பான விசாரணை ஆவணங்களை, காவல்துறை சொத்துகள் விசாரணைப் பிரிவு (Police Assets Investigation Division), இலஞ்சம் அல்லது ஊழல் குற்றச்சாட்டுகளை விசாரிக்கும் ஆணையத்திடம் (CIABOC) ஒப்படைத்துள்ளதாக 'ஸ்வர்ணவாஹினி' (Swarnavahini) செய்தி நிறுவனம் தெரிவித்துள்ளது.

 அமைச்சர் ஆனந்த விஜேபாலவின் அறிவிப்பு

காவல்துறை விசாரணையின் போது கண்டறியப்பட்ட அனைத்து தகவல்களும் ,இலஞ்சம் அல்லது ஊழல் குற்றச்சாட்டுகளை விசாரிக்கும் ஆணையத்திற்கு அனுப்பி வைக்கப்பட்டுள்ளதாக, பொது பாதுகாப்பு மற்றும் நாடாளுமன்ற விவகார அமைச்சர் ஆனந்த விஜேபால தெரிவித்துள்ளதாக அந்தச் செய்தி குறிப்பிடுகிறது.

இதற்கிடையில், 55-க்கும் மேற்பட்ட அரசியல்வாதிகள் சம்பந்தப்பட்ட இலஞ்சம் மற்றும் ஊழல் குற்றச்சாட்டுகள் குறித்து, குறித்த ஆணையம் தனித்தனியாக விசாரணை நடத்தி வருவதாகவும் கூறப்படுகிறது.

அந்த அறிக்கையின்படி, நாடு முழுவதும் 500-க்கும் மேற்பட்ட நபர்களின் சொத்துகள் குறித்து விசாரணை நடைபெற்று வருகிறது; இதில் சுமார் 60 அரசியல்வாதிகள் மற்றும் முன்னாள் அமைச்சர்களும் அடங்குவர்.

NPP அரசாங்கம் இல்லையெனில் பெட்ரோல் விலையில் ஏற்பட்டிருக்கும் பாரிய அதிகரிப்பு

16 முன்னாள் அமைச்சரவை அமைச்சர்கள்

 குறிப்பாக, அதிகார துஷ்பிரயோகம் மற்றும் நிதி முறைகேடுகளில் ஈடுபட்டதாகக் கூறப்படும் 16 முன்னாள் அமைச்சரவை அமைச்சர்கள் மீதான விசாரணைகள் முக்கியத்துவம் பெறுகின்றன.

சமீபத்திய மாதங்களில் மேற்கொள்ளப்பட்ட விசாரணைகளின் ஒரு பகுதியாக, பல அரசியல்வாதிகளும் அவர்களுடன் தொடர்புடைய நபர்களும் கைது செய்யப்பட்டுள்ளனர் என்றும் அந்த அறிக்கையில் தெரிவிக்கப்பட்டுள்ளது.

இலஞ்சம், ஊழல் மற்றும் சட்டவிரோதமான முறையில் சொத்து சேர்ப்பதைத் தடுக்கும் நோக்கில் கொண்டுவரப்பட்ட புதிய சட்ட சீர்திருத்தங்களின் கீழ், இலஞ்சம் அல்லது ஊழல் குற்றச்சாட்டுகளை விசாரிக்கும் ஆணையத்திற்கு கூடுதல் புலனாய்வு அதிகாரங்கள் வழங்கப்பட்டுள்ளன.

விசாரணைகள் தொடர்ந்து நடைபெற்று வருகின்றன; அறிக்கையில் குறிப்பிடப்பட்டுள்ள நபர்கள் எவர் மீதும் இதுவரை குற்றச்சாட்டுக்கள் நிரூபிக்கப்படவில்லை.

33 அரச நிறுவனங்கள் தொடர்பில் எடுக்கப்பட்டுள்ள நடவடிக்கை!