அரச தலைவர் மாளிகையில் பெருமளவு பணத்தை அள்ளிய ஆர்ப்பாட்டக்காரர்கள்- காணொளி

கொழும்பு - கோட்டையில் உள்ள அரச தலைவர் மாளிகையில் அரச தலைவர் கோட்டாபய ராஜபக்ஷ பயன்படுத்தியதாக நம்பப்படும் அறையொன்றிலிருந்து ஒரு கோடியே 78 இலட்சத்து ஐம்பதாயிரம் ரூபாவுக்கும் அதிகமான பணம் மீட்கப்பட்டுள்ளது.

குறித்த பகுதியில் இருந்து சிலர் பெரும் தொகையை மீட்கும் காணொளி சமூக வலைதளங்களில் வெளியாகியுள்ளது.

அரச தலைவர் மாளிகையில் பணம் மீட்பு

இது தொடர்பில் மேலும் தெரிய வருகையில், நேற்று (09) ஆர்ப்பாட்டக்காரர்களால் மீட்கப்பட்ட, ஒரு கோடியே 78 இலட்சத்து ஐம்பதாயிரம் ரூபாவுக்கும் அதிகமான பணத்தை கணக்கிட்டு, அங்கு கடமையிலிருந்த விசேட அதிரடிப்படை காவல்துறை அத்தியட்சகர் ஒருவரிடம் ஒப்படைத்துள்ளனர்.

அப்பணத்தை கோட்டை காவல்நிலைய பொறுப்பதிகாரியிடம் ஒப்படைக்குமாறு குறித்த காவல்துறை அத்தியட்சகர் தெரிவித்தார்.

பின்னர் அங்கு வந்த கோட்டை காவல்நிலைய பொறுப்பதிகாரி பணத்தை பெற்றுக் கொண்டு பணத்தைக் கண்டுபிடித்து எண்ணுவதற்கு உதவிய ஐந்து பேரின் வாக்குமூலங்களைப் பதிவு செய்த பின்னர் பணத்தை கோட்டை காவல் நிலையத்திற்கு எடுத்துச் சென்றதாகத் தெரிவிக்கப்படுகிறது.

எனினும் அதன் பின்னர் மேல் மாகாணத்திற்கு பொறுப்பான சிரேஷ்ட பிரதி காவல்துறைமா அதிபர் கோட்டை காவல் நிலைய பொறுப்பதிகாரிக்கு தொலைபேசியில் தொடர்பு கொண்டு, பணத்தை சட்டம் ஒழுங்குக்கு பொறுப்பான அமைச்சர் டிரான் அலஸிடம் ஒப்படைக்குமாறு கூறியுள்ளார்.

எவ்வாறாயினும், கோட்டை காவல்நிலைய பொறுப்பதிகாரி சாகர லியான், காவல்துறைமா அதிபர் சி.டி.விக்ரமரத்னவிடம் இது தொடர்பில் அறிவித்தபோது, பணத்தை யாரிடமும் ஒப்படைக்காமல் காவல்துறை காவலில் வைத்திருக்குமாறு காவல்துறைமா அதிபர் தெரிவித்தார்.

பணத்தை யாரிடமும் ஒப்படைக்காமல் காவல்துறை காவலில் வைத்திருக்க உத்தரவு

இது தொடர்பான அறிவிப்பொன்றை வெளியிட்டுள்ள இளம் ஊடகவியலாளர்கள் ஒன்றியம், இந்த நிலைமையை தெளிவுபடுத்தி வர்த்தமானி அறிவித்தலொன்றை வெளியிடுமாறு காவல்துறை ஊடகப் பேச்சாளரிடம் கேட்டுக் கொண்டுள்ளது.

முன்னதாக, கோட்டா கோ கிராமம் உள்ளிட்ட பிரதேசங்கள் தாக்கப்பட்டு, ​​​​நாடு முழுவதும் பரவிய அமைதியின்மை அலைகளின் போது சில சந்தர்ப்பங்களில் பல திருட்டு மற்றும் கொள்ளை சம்பவங்கள் பதிவாகியுள்ளன.

அந்த சம்பவங்களுக்கு காரணமானவர்களைக் கண்டுபிடிக்க புகைப்படம் மற்றும் காணொளி ஆதாரங்களை பதிவிட்ட காவல்துறை, பல கோடி ரூபா பணத்தை காவல்துறையிடம் ஒப்படைப்பது குறித்து ஏன் இதுவரை எந்த அறிவிப்பையும் வெளியிடவில்லை என ளம் ஊடகவியலாளர்கள் ஒன்றியம் கேள்வி எழுப்பியுள்ளது.

ජනාධිපති මන්දිරයේ තිබී අරගලකරුවන් පොලිසියට බාර දුන් මුදල් ගැනයි

ජනාධිපති මන්දිරයේ ගෝඨාභය රාජපක්ෂ භාවිත කළ කාමරයක සඟවා තිබුණු බව කියන රුපියල් එක්කෝටි හැත්තෑ අට ලක්ෂ පනස් දහසකට ආසන්න මුදලක් අරගලකරුවන් පිරිසක් විසින් ගණන් කර පොලිසිය බාර දෙනු ලැබ ඇත. pic.twitter.com/hGz4Vwj2S7

— Shehan Madawa ?? (@shehanmlive) July 10, 2022