வென்னப்புவ பகுதியில் துப்பாக்கிச் சூடு : இருவர் படுகாயம்
புத்தளம் (Puttalam) - வென்னப்புவ (Wennappuwa) காவல்துறை பிரிவிற்குட்பட்ட கிம்புல்கால பகுதியில் இடம்பெற்ற துப்பாக்கிச் சூட்டுச் சம்பவத்தில் காயமடைந்த இருவர் மாரவில வைத்தியசாலையில் அனுமதிக்கப்பட்டுள்ளனர்.
குறித்த பிரதேசத்தில் வீடொன்றுக்கு அருகாமையில் நேற்று (07) மாலை இடம்பெற்ற துப்பாக்கிச் சூட்டு சம்பவத்தில் ஒரு ஆணும் ஒருபெண்ணும் காயமடைந்துள்ளனர்.
காயமடைந்த ஆண் மாரவில பகுதியைச் சேர்ந்த 43 வயதுடையவர் எனவும், காயமடைந்த பெண் வென்னப்புவ பகுதியைச் சேர்ந்த 65 வயதுடையவர் எனவும் தெரியவருகிறது.
காவல்துறையினர் விசாரணை
ஒரு வீட்டின் குடிநீர் பராமரிப்பு பணிக்காக வந்த இருவர் பழுதுபார்த்து விட்டு வீட்டை விட்டு வெளியேறிய போது, முகத்தை மூடியவாறு மோட்டார் சைக்கிளில் வந்த இனந்தெரியாத இருவரே துப்பாக்கிச் சூடு நடத்தியுள்ளனர்.
இந்த சம்பவத்தில் பராமரிப்பு பணிக்காக வருகைதந்த ஒருவரும், குறித்த வீட்டின் பெண்ணும் படுகாயம் அடைந்துள்ளனர்.
இதேவேளை துப்பாக்கி பிரயோகம் மேற்கொண்ட சந்தேகநபர்கள் அடையாளம் காணப்பட்டுள்ளதாகவும், அவர்களை கைது செய்வதற்கான விசாரணைகளை மேற்கொண்டு வருவதாகவும் வென்னப்புவ காவல்துறையினர் தெரிவித்தனர்.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
சுழிபுரம், பிரித்தானியா, United Kingdom, மானிப்பாய், கொழும்பு, Uganda
02 Aug, 2016
யாழ். அத்தியடி, யாழ்ப்பாணம், London, United Kingdom, மெல்போன், Australia
29 Jul, 2026
