அரசின் எரிபொருள் மானியம் : மீண்டும் கடலை நோக்கி பயணிக்கவுள்ள ஆயிரக்கணக்கான மீன்பிடி கப்பல்கள்

Fuel Price In Sri Lanka Sri Lanka Fisherman Fish

By Sumithiran Oct 16, 2024 08:06 AM GMT

Sumithiran

in சமூகம்

Report

அரசு அளித்துள்ள எரிபொருள் மானியத்தை அடுத்து சுமார் 2000 மீன்பிடி கப்பல்கள் புதிய பயணத்தை மேற்கொள்ளவுள்ளதாகவும், குறைந்த விலையில் நுகர்வோருக்கு மீன்கள் வழங்கப்படும் எனவும் அகில இலங்கை பல நாள் மீன்பிடி கப்பல் உரிமையாளர்கள் சங்கத்தின் செயலாளர் ருவான் பெர்னாண்டோ தெரிவித்தார்.

கடந்த காலங்களில் தாங்க முடியாத டீசல் விலை காரணமாக 2000க்கும் மேற்பட்ட பல நாள் மீன்பிடி படகுகள் கடற்கரைகளில் நிறுத்தி வைக்கப்பட்டிருந்த போதிலும், எரிபொருள் மானியம் மற்றும் அண்மைக்காலமாக எரிபொருள் விலை குறைக்கப்பட்டதன் பயனாக அந்த படகுகள் கடலுக்கு செல்லவுள்ளன.

குறைந்த விலையில் மீன்களை கொள்வனவு செய்யும்

இதன் மூலம் எதிர்காலத்தில் வாடிக்கையாளர் குறைந்த விலையில் மீன்களை கொள்வனவு செய்யும் சந்தர்ப்பம் வழங்கப்படும் என்றார்.அடுத்த ஆண்டு மானியம் மூலம் 1 பில்லியன் டொலர் மீன் ஏற்றுமதி இலக்கை அடைய முடியும் என்றும் அவர் கூறினார்.

அரசின் எரிபொருள் மானியம் : மீண்டும் கடலை நோக்கி பயணிக்கவுள்ள ஆயிரக்கணக்கான மீன்பிடி கப்பல்கள் | 2000 Stopped Vessels Will Sail Again

அரசாங்கத்தின் புதிய கொள்கை முடிவினால் சிறு-குறு மீனவர்கள் மற்றும் புலம்பெயர் தொழில் செய்பவர்கள் மகிழ்ச்சியடைந்துள்ளதாக பெர்னாண்டோ தெரிவித்தார்.

மீன்பிடி உபகரணங்கள் மற்றும் கடனுக்கு வரிச்சலுகை

எனினும், மீன்பிடி உபகரணங்களுக்கு வரிச் சலுகையும், மீனவர்கள் வாங்கிய வங்கிக் கடனுக்கு சலுகையும் வழங்க வேண்டும் என, பல நாள் மீன்பிடி படகு உரிமையாளர்கள் மேலும் அரசுக்கு கோரிக்கை விடுத்துள்ளனர்.

சுமார் 6,000 பல நாள் மீன்பிடி படகுகளும், ஒரு மில்லியன் தொழில் வல்லுனர்களும் இத்தொழிலில் ஈடுபட்டு வருவதாகவும், மீன்பிடி படகுகளை வாங்குவதற்கு கடனுதவி வழங்குவதன் மூலம் இத்தொழிலை பல பில்லியன் டொலர்கள் வர்த்தகமாக மாற்றவும் நாட்டுக்கு அன்னியச் செலாவணியை ஈட்டவும் வாய்ப்புள்ளதாக பல நாள் மீன்பிடி படகு உரிமையாளர்கள் தெரிவிக்கின்றனர்.

மீனவர்களுக்கு அரசாங்கம் எரிபொருள் மானியம் வழங்கியமைக்கு மீன்பிடி படகு உரிமையாளர் சங்கத்தின் தலைவர் டைரோன் மெண்டிஸ் அரசாங்கத்திற்கு நன்றி தெரிவித்துள்ளார்.