பல்கலைக்கழகத்திற்கு விண்ணப்பிக்க தகுதி பெற்ற மாணவர்கள் தொடர்பில் வெளியிடப்பட்டுள்ள அறிவித்தல்
க.பொ.த உயர்தர பரீட்சைக்கு தோற்றிய மாணவர்களில் பல்கலைக்கழகத்திற்கு விண்ணப்பிக்க தகுதியானோர் தொடர்பான தகவல் ஒன்றை பரீட்சைகள் திணைக்களம் வெளியிட்டுள்ளது.
2021 ஆம் ஆண்டுக்கான க.பொ.த உயர்தர பரீட்சைக்கு தோற்றிய மாணவர்களில் 62.9 சதவீதமானவர்கள் பல்கலைக்கழகங்களுக்கு விண்ணப்பிக்க தகுதியுடையவர்கள் என பரீட்சைகள் திணைக்களம் தெரிவித்துள்ளது.
2021 ஆம் ஆண்டுக்கான உயர்தரப் பரீட்சையின் பெறுபேறுகள் நேற்று(28) வெளியிடப்பட்டநிலையில், இன்று(29) முதல் உயர்தர பரீட்சை பெறுபேறுகளை பரீட்சை திணைக்களத்தில் பாடசாலை அதிபர்களால் பெற்றுக்கொள்ள முடியும் எனவும் தெரிவிக்கப்பட்டுள்ளது.
தகுதி பெற்ற மாணவர்கள்
பரீட்சைக்கு இரண்டு இலட்சத்து 72,682 பரீட்சார்த்திகள் தோற்றியிருந்தனர். இப்பரீட்சைகளுக்கு 236, 035 பாடசாலை பரீட்சார்த்திகளும், 36,647 தனிப்பட்ட பரீட்சார்த்திகளும் தோற்றியுள்ளனர்.
பரீட்சைக்கு தோற்றிய பரீட்சார்த்திகளில் 149,946 பாடசாலை பரீட்சார்த்திகளும், 21,551 தனிப்பட்ட பரீட்சார்த்திகளுமாக மொத்தமாக 171,497 மாணவர்கள் பல்கலைக்கழகத்திற்கு விண்ணப்பிக்க தகுதி பெற்றுள்ளதாதாக பரீட்சைகள் திணைக்களம் அறிவித்துள்ளது.
புங்குடுதீவு 10ம் வட்டாரம், வவுனியா, கிளிநொச்சி, சென்னை, India
18 Sep, 2025
சில்லாலை, கனகராயன்குளம், சென்னை, India, திருச்சி, India
19 Sep, 2018
முள்ளியான், துன்னாலை, வல்வெட்டி, துணுக்காய், கொழும்பு, வவுனியா
20 Sep, 2015
