வாக்கெண்ணும் பணிகள் தொடர்பில் வெளியான தகவல்

பொதுத் தேர்தல் முடிந்த பின் வாக்கு என்னும் பணிகள் எதிர்வரும் 14ஆம் திகதி மாலை 4.15 மணிக்கு ஆரம்பிக்கப்படும் என தேர்தல்கள் ஆணைக்குழுவின் தலைவர் ஆர்.எம்.ஏ.எல். ரத்நாயக்க (R.M.A.L. Ratnayake) தெரிவித்துள்ளார்.

தகவல் திணைக்களத்தில் இன்று (12.11.2024) நடைபெற்ற பொதுத் தேர்தல் தொடர்பான விசேட செய்தியாளர் சந்திப்பில் கலந்துகொண்டு கருத்து தெரிவிக்கும் போதே அவர் மேற்கண்டவாறு குறிப்பிட்டுள்ளார்.

அங்கு மேலும் கருத்து தெரிவித்த அவர், “தபால்மூல வாக்கெண்ணும் பணிகள் எதிர்வரும் 14ஆம் திகதி மாலை 4.15 ஆரம்பமாகும்.

நாடாளுமன்ற தேர்தல் : களமிறக்கப்பட்டுள்ள காவல்துறை

அதிகாரப்பூர்வமற்ற முடிவு

மாலை 7.15 மணிக்கு அந்தந்த வாக்குச் சாவடிகளில் இருந்து வாக்குப்பெட்டிகள் பெறப்பட்டு வாக்கெண்ணும்  பணிகளை துவங்க ஏற்பாடு செய்யப்பட்டுள்ளது.

அதன்பிறகு, முடிவுகளை ஊடகங்களுக்கு வெளியிடுவதற்கான ஏற்பாடுகள் செய்யப்பட்டுள்ளன, அதுவரை அதிகாரப்பூர்வமற்ற முடிவுகளை வெளியிடுவதைத் தவிர்த்துக்கொள்ள வேண்டும்.

இதேவேளை, வாக்கு என்னும் பணிகள் 3 கட்டங்களாக நடைபெறவுள்ளது. முதலில், ஒவ்வொரு பெட்டியிலும் உள்ள வாக்குகள் எண்ணப்படும்.

இரண்டாவதாக, ஒவ்வொரு அங்கீகரிக்கப்பட்ட அரசியல் கட்சி மற்றும் சுயேச்சைக் குழுவுக்கு கிடைத்த வாக்குகள் எண்ணப்படும்.

ஆயுதங்கள் உள்ளிட்ட பொருட்களை எடுத்துச்செல்ல தடை

வாக்குகளின் எண்ணிக்கை

இறுதியாக, வாக்குகள் எண்ணிக்கைக்கு ஏற்ப, ஒவ்வொரு அங்கீகரிக்கப்பட்ட கட்சி மற்றும் சுயேச்சைக் குழுவும் தகுதியான எம்.பி.க்களின் எண்ணிக்கை கணக்கிடப்பட்டு, அங்கீகரிக்கப்பட்ட அரசியல் கட்சிகள் மற்றும் சுயேச்சைக் குழுக்களிடமிருந்து வேட்பாளர்கள் பெற்ற வாக்குகளின் எண்ணிக்கை கணக்கிடப்படுகிறது.” என தெரிவித்துள்ளார்.

இதேவேளை, அங்கீகரிக்கப்பட்ட ஒவ்வொரு அரசியல் கட்சி மற்றும் சுயேச்சைக் குழுக்களின் வேட்பாளர்கள் அதிக வாக்குகளின் அடிப்படையில் நாடாளுமன்ற உறுப்பினர் பதவிக்கு தெரிவு செய்யப்படவுள்ளமை குறிப்பிடத்தக்கது.

அநுர அரசை விடாது துரத்தும் ரணில்: சவாலுடன் விடுக்கப்பட்ட எச்சரிக்கை

மசாஜ் சேவை என தெரிவித்து பண மோசடி: 6 பேர் கைது