2024 இல் 50 நாடுகளில் களைகட்டப்போகும் தேர்தல் திருவிழா
பிறந்துள்ள 2024 இல் மட்டும் 50 நாடுகளில் அதிபர் தேர்தல்,நாடாளுமன்றத் தேர்தல் நடைபெறவுள்ளது ஆச்சரியமான விடயமாக பாரக்கப்படுகிறது.
இதன்படி அமெரிக்கா, பிரிட்டன், ரஷ்யா, பெய்ஜிங், இந்தியா,இலங்கை,தாய்வான், பாகிஸ்தான், இந்தோனேசியா, மெக்சிகோ, தென்னாபிரிக்கா உள்ளிட்ட முக்கிய நாடுகளில் அதிபர் மற்றும் நாடாளுமன்றத் தேர்தல்கள் நடைபெற உள்ளன.
பைடன் டிரம்ப் இடையே கடும் போட்டி
அத்துடன் சர்வதேச அரசியல் களத்தில் முக்கியத்துவம் வாய்ந்த அமெரிக்க அதிபர் பதவிக்கு நடைபெற இருக்கும் தேர்தல் இந்த ஆண்டின் முக்கிய நிகழ்வாகப் பார்க்கப்படுகிறது. அமெரிக்க அதிபர் தேர்தலில் தற்போதைய அதிபர் ஜோ பைடனுக்கும், முன்னாள் அதிபர் டொனால்ட் டிரம்ப்க்கும் இடையே கடுமையான போட்டி இருக்கும் என்று கூறப்படுகிறது.
ஐரோப்பிய ஒன்றிய நாடாளுமன்ற மற்றும் மெக்சிகோ நாட்டின் அதிபர் தேர்தல் வரும் ஜூன் மாதம் நடைபெற இருக்கிறது.
இந்தியாவில் இந்த ஆண்டு நாடாளுமன்றத் தேர்தல் நடைபெற இருக்கிறது. இந்தத் தேர்தல் வரும் ஏப்ரல் அல்லது மே மாதங்களில் நடைபெறலாம் எனத் தெரிகிறது.
இலங்கையிலும் அதிபர் தேர்தல்
பொருளாதார நெருக்கடியால் அரசியல் குழப்பம் ஏற்பட்ட இலங்கையிலும் 2024 ஆம் ஆண்டு அதிபர் தேர்தல் நடைபெற உள்ளது.
ஒக்டோபர் மாதம் பிரேசிலில் அதிபர் தேர்தல் நடைபெற உள்ளது. உஸ்பெகிஸ்தானில் பொதுத் தேர்தல் ஒக்டோபர் அல்லது டிசம்பர் மாதங்களில் நடைபெறும் என்று எதிர்பார்க்கப்படுகிறது.
தென்கிழக்கு ஆசியாவின் மிகப்பெரிய ஜனநாயக நாடான இந்தோனேசியா மற்றும் எல் சல்வடோர், பெலாரஸ் ஆகிய நாடுகளில் அடுத்த மாதம் அதிபர் தேர்தல் நடைபெற உள்ளது.
பாகிஸ்தானில் நாடாளுமன்றத் தேர்தல்
பாகிஸ்தானில் பெப்ரவரி 8ஆம் திகதி நாடாளுமன்றத் தேர்தல் நடைபெற உள்ளது. செனகல் பிராந்தியத்திலும் அடுத்த மாதம் தேர்தல் நடைபெற உள்ளது.
தென்னாபிரிக்காவில், மே மற்றும் ஓகஸ்ட் மாதங்களுக்கு இடையில் பொதுத் தேர்தல் நடைபெற உள்ளது.
ஆபிரிக்கா கண்டத்தின் செனகல், தெற்கு சூடான் ஆகிய முக்கிய நாடுகளில் இந்த ஆண்டு தேர்தல் நடைபெற உள்ளது. உலகின் இளைய நாடான தெற்கு சூடானில் டிசம்பரில் தேர்தல் நடைபெற இருக்கிறது.
ஐரோப்பிய ஒன்றியத்தின் நாடாளுமன்றத் தேர்தல் ஜூன் மாதம் நடைபெற உள்ளது. உக்ரைன் மீது போர் தொடுத்துவரும் ரஷ்யாவிலும் மார்ச் மாதம் தேர்தல் நடைபெற இருக்கிறது. இதுதவிர, ஐஸ்லாந்து, ஈரான், மால்டோவா, பனாமா, மெக்சிகோ, துனிஷியா உள்ளிட்ட நாடுகளும் தேர்தலைச் சந்திக்க உள்ளன.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள் |
Ipoh, Malaysia, கொக்குவில், கோயம்புத்தூர், India, New Jersey, United States
09 Sep, 2025
உசன், Jaffna, Ibadan, Nigeria, Riyadh, Saudi Arabia, London, United Kingdom
05 Sep, 2026
காரைநகர், யாழ். கரவெட்டி, நெல்லியடி, உடையார்கட்டு, Toronto, Canada
03 Sep, 2023