அதிவேக வீதிகளில் ஆசனப்பட்டி விதிமீறல் : 3,000 பேருக்கு எதிராக சட்ட நடவடிக்கை

Sri Lanka Police Sri Lankan Peoples Expressways in Sri Lanka

By Sathangani Oct 05, 2026 07:29 AM GMT

Sathangani

in சமூகம்

Report

அதிவேக வீதிகளில் பயணிக்கும் அனைத்துப் பயணிகளுக்கும் ஆசனப்பட்டி அணிவது கட்டாயமாக்கப்பட்ட புதிய பாதுகாப்பு விதியை மீறிய சுமார் 3,000 பேருக்கு எதிராகச் சட்ட நடவடிக்கை எடுக்கப்பட்டுள்ளதாக காவல்துறையினர் தெரிவித்தனர்.

அதிவேக வீதிகளைப் பயன்படுத்தும் சாரதிகள் மற்றும் பயணிகள் பெரும்பாலானோர் இச்சட்டத்திற்கு அமைவாக நடந்துகொண்டதாகவும் சுட்டிக்காட்டப்பட்டுள்ளது.

இருந்த போதிலும், சிலர் தொடர்ச்சியாக விதிகளை மீறிச் செயற்பட்டு வருவதாக போக்குவரத்துக் கட்டுப்பாடு மற்றும் வீதிப் பாதுகாப்புப் பொறுப்பதிகாரியான பிரதி காவல்துறை மா அதிபர் டபிள்யூ. பி. ஜே. சேனாதீர குறிப்பிட்டுள்ளார்.

தீவிர சோதனை

அதிவேக வீதிகளில் பயணிக்கும் வாகனங்களில் பயணிக்கும் அனைத்துப் பயணிகளும் ஆசனப்பட்டி அணிவதை வலியுறுத்தும் பாதுகாப்பு விதிமுறை கடந்த செப்டம்பர் 19 ஆம் திகதி முதல் கட்டாயமாக்கப்பட்டுள்ளது.

அதிவேக வீதிகளில் ஆசனப்பட்டி விதிமீறல் : 3,000 பேருக்கு எதிராக சட்ட நடவடிக்கை | 3000 Reported Violating New Seat Belt Regulation

அதிவேக வீதி பாதுகாப்பு பிரிவினரால் அதிவேக வீதிகளுக்குள் பிரவேசிக்கும் மற்றும் வெளியேறும் அனைத்து இடங்களிலும் வாகனங்கள் தீவிர சோதனைக்கு உட்படுத்தப்பட்டு வருகின்றன.

இதன்போது ஆசனப்பட்டிகள் பொருத்தப்படாத எந்தவொரு வாகனமும் அதிவேக நெடுஞ்சாலைகளில் பிரவேசிக்க அனுமதிக்கப்பட மாட்டாது எனவும் காவல்துறையினர் திட்டவட்டமாகத் தெரிவித்துள்ளமை குறிப்பிடத்தக்கது.