முடங்கிய ஹோர்முஸ் நீரிணை - ஆட்டம் காட்டும் ஈரான்: ஒன்று சேர்ந்த 40 நாடுகள்

ஹோர்முஸ் நீரிணையை (Strait of Hormuz) மீண்டும் திறப்பதற்கு 40 நாடுகள் இணைந்து கூட்டு நடவடிக்கை எடுப்பது குறித்து ஆலோசனை நடத்தி உள்ளன.

பிரித்தானிய வெளியுறவுச் செயலாளர் யுவெட் கூப்பர் (Yvette Cooper) தலைமையில் இந்த மெய்நிகர் (Virtual) கூட்டம் நடைபெற்றது.

இந்தக் கூட்டத்தில் பிரான்ஸ், ஜெர்மனி, கனடா, ஐக்கிய அரபு அமீரகம் மற்றும் இந்தியா உள்ளிட்ட நாடுகள் பங்கேற்றன.

சர்வதேசச் சட்டங்களை மீறும் ஈரான் போர் : அமெரிக்க சட்ட வல்லுநர்கள் எச்சரிக்கை

கடல்வழிப் பாதை தடை

ஈரானுடனான அமெரிக்க - இஸ்ரேல் மோதல் காரணமாக ஹோர்முஸ் நீரிணை கடல்வழிப் பாதை தடைபட்டுள்ளது.

வர்த்தகக் கப்பல்கள் மீதான ஈரானியத் தாக்குதல்கள், பாரசீக வளைகுடாவை உலகின் பெருங்கடல்களுடன் இணைக்கும் நீர்வழியில் கிட்டத்தட்ட அனைத்துப் போக்குவரத்தையும் நிறுத்திவிட்டன.

இது உலகளாவிய எண்ணெய்க்கான ஒரு முக்கியப் பாதையைச் சீர்குலைத்து, விலைகள் கடுமையாக உயரவும் காரணமாகியுள்ளது.

மத்தியக் கிழக்கில் அதிகரிக்கும் பதற்றம்...! முக்கிய கலந்துரையாடலில் புடின்

கட்டணங்களை விதிக்கக் கூடாது 

சமீபத்திய உரையில், அமெரிக்கா தலையிடாது என்பதால், அந்த நீர்வழிப்பாதையிலிருந்து கிடைக்கும் எண்ணெயைச் சார்ந்துள்ள நாடுகள் "அதைப் பற்றிக்கொண்டு போற்றிப் பாதுகாக்க வேண்டும்" என்று டிரம்ப் கூறினார்.

குறிப்பாக, இந்த நீர்வழியைப் பாதுகாப்பது அமெரிக்காவின் பொறுப்பல்ல என்ற ஜனாதிபதி டொனால்ட் டிரம்பின் தெளிவான நிலைப்பாட்டைத் தொடர்ந்து, அமெரிக்கா இந்த மெய்நிகர் கூட்டத்தில் பங்கேற்கவில்லை.

ஈரானின் நடவடிக்கைகள் குறித்து பிரித்தானியா கவலை தெரிவித்ததோடு, அந்நாடு உலகப் பொருளாதாரத்தைப் பணயக்கைதியாகப் பிடித்துள்ளதாக தெரிவித்துள்ளது.

குறிப்பிட்ட எந்த ஒப்பந்தங்களும் இன்றி கூட்டம் முடிவடைந்த போதிலும், அந்த நீர்வழியைப் பயன்படுத்தும் கப்பல்களுக்கு ஈரான் போக்குவரத்து கட்டணங்களை விதிக்கக் கூடாது என்றும், அனைத்து நாடுகளும் அதனைத் தடையின்றிப் பயன்படுத்த அனுமதிக்கப்பட வேண்டும் என்றும் ஒருமித்த கருத்து நிலவியதாக அதிகாரிகளில் ஒருவர் தெரிவித்ததாக சர்வதேச ஊடகம் தெரிவித்துள்ளது.

அமெரிக்கப் போர் விமானங்களைக் குறிவைத்து ஈரானின் அதிரடி தாக்குதல்!