நிறமூட்டும் தொழிற்சாலையில் போதைப்பொருள் பாவனை: 4 பேர் கைது
நிறமூட்டும் தொழிற்சாலை ஒன்றில் ஐஸ் போதைப் பொருட்களை நுகர்ந்த 4 சந்தேக நபர்களை பெரிய நீலாவணை காவல்துறையினர் கைது செய்துள்ளனர்.
குறித்த கைது நடவடிக்கையானது நேற்றைய தினம் (29) இடம்பெற்றுள்ளது.
அம்பாறை (Ampara) மாவட்டம் பெரிய நீலாவணை காவல்துறை பிரிவிற்குட்பட்ட மருதமுனை பகுதியிலுள்ள நிறமூட்டும் தொழிற்சாலையில் நீண்ட காலமாக போதைப்பொருள் பாவனை இடம்பெற்று வருவதாக காவல்துறையினருக்கு கிடைத்த தகவலுக்கு அமைய இந்த கைது நடவடிக்கை மேற்கொள்ளப்பட்டுள்ளது.
மேலதிக விசாரணை
காவல்துறை பரிசோதகர் ஜே.எஸ்.கே.வீரசிங்க தலைமையிலான குழு அங்கு சென்று சோதனை மேற்கொண்டதுடன், ஐஸ் போதைப்பொருளை நுகர்ந்த 4 சந்தேக நபர்களை கைது செய்துள்ளனர்.
மேலும் கைது செய்யப்பட்ட நான்கு சந்தேக நபர்கள் 20, 18, 17, 17, வயது மதிக்கத்தக்கவர்கள் என்பதுடன் சந்தேக நபர்கள் வசம் இருந்து போதைப் பொருட்களும் மீட்கப்பட்டுள்ளது.
மீட்கப்பட்ட போதைபொருட்கள் சட்ட நடவடிக்கைக்காக நீதிமன்றத்தில் சமர்ப்பிக்கப்பட்டுள்ளதுடன் மேலதிக விசாரணைகளை காவல்துறையினர் மேற்கொண்டுள்ளமை குறிப்பிடத்தக்கது.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
வல்வெட்டித்துறை, கொழும்பு, சென்னை, India, Frankfurt, Germany, இந்தோனேசியா, Indonesia, Buenos Aires, Argentina
15 May, 2025
நெடுந்தீவு, முரசுமோட்டை, Vancouver, Canada, Mississauga, Canada
19 May, 2024
