நெல் கொள்வனவிற்கு 50 கோடி நிதி!
நெல் கொள்வனவிற்காக 50 கோடி ரூபா நிதியை ஒதுக்க அதிபர் ரணில் விக்ரமசிங்க இணக்கம் தெரிவித்துள்ளார்.
மேலும், நெல் விநியோக சபைக்கு இந்த நிதியை வழங்க அவர் தீர்மானித்துள்ளதாக குறிப்பிட்டுள்ளார்.
இதனடிப்படையில், இன்று(15) முதல் அனைத்து மாவட்டங்களிலும் இரு நெற்களஞ்சியசாலைகளிலிருந்து நெல் கொள்வனவு செய்ய தீர்மானிக்கப்பட்டுள்ளது
நெல் கொள்வனவு
இதற்கு முன்னதாக, நெல் கொள்வனவிற்காக இரண்டு பில்லியன் ரூபாவை வழங்குமாறு நிதியமைச்சிடம் கோரிக்கை விடுக்கப்பட்டிருந்தாலும் அவர்களிடமிருந்து ஆக்கபூர்வமான பதில் எதுவும் வழங்கப்படவில்லையென விவசாய அமைச்சர் மஹிந்த அமரவீர தெரிவித்துள்ளார்.
இது தொடர்பாக அவர் மேலும் தெரிவிக்கையில், விவசாய நம்பிக்கை நிதியத்திலிருந்து 250 மில்லியன் ரூபாவை பெற்றுக்கொண்டு நெற்கொள்வனவை ஆரம்பித்ததாக சுட்டிக்காட்டியுள்ளார்.
மேலும் இந்த விடயத்தில் அதிபர் நேரடியாக தொடர்புபட்டதாகவும் இதற்கமைவாகவே 50 கோடி ரூபா நிதியை ஒதுக்கீடு செய்ய தீர்மானித்ததாகவும் அவர் குறிப்பிட்டுள்ளார்.
செய்திகளை உடனுக்குடன் தெரிந்து கொள்ள IBC தமிழ் WHATSAPP இல் இணைந்து கொள்ளுங்கள்...! |
