காவல்துறை வாகனத்திற்கு தீ வைக்க முயற்சி: பெண் உட்பட 7 பேர் கைது
மன்னாரில் காவல்துறை வாகனத்திற்கு தீ வைக்க முயற்சித்த குற்றச்சாட்டில் பெண் உட்பட 7 பேர் கைது செய்யப்பட்டுள்ளனர்.
பெரியகுச்சிவிகுளம் பகுதியில் இந்த சம்பவம் இடம்பெற்றுள்ளது.
சம்பவம் தொடர்பில் மேலும் தெரியவருகையில், வீடொன்றின் பின்புறத்தில் சட்டவிரோதமான முறையில் மர ஆலை இயங்கி வருவதாக மடு காவல் நிலையத்திற்கு ரகசியத் தகவல் வழங்கப்பட்டுள்ளது.
காவல்துறை அதிகாரி
இதையடுத்து, நான்கு காவல்துறை அதிகாரிகளைக் கொண்ட குழுவினர் இந்தச் சோதனையை மேற்கொண்டனர்.
குறித்த சட்டவிரோத மர ஆலையை நடத்திச் சென்ற சந்தேகநபரை காவல்துறையினர் கைது செய்ததுடன் சட்டவிரோதமாக வைக்கப்பட்டிருந்த பெருமளவிலான முறித்த மரங்கள் மற்றும் 37 மரவேலை உபகரணங்களைக் கைப்பற்றி காவல்துறை கப் வாகனத்தில் ஏற்றியுள்ளனர்.
இதன்போது கைது செய்யப்பட்ட சந்தேகநபரின் மனைவி கத்தி கூச்சலிட்டு அருகில் உள்ள கிராமவாசிகளையும் சம்பவ இடத்திற்கு வரவழைத்துள்ளார்.
தீவிர விசாரணை
பின்னர் காணியின் பிரதான வாயிலை மூடி காவல்துறை அதிகாரிகளை வெளியேற முடியாதவாறு தடுத்து நிறுத்தியுள்ளனர்.
இதையடுத்து சந்தேகநபரின் மனைவி காவல்துறை கப் வாகனத்தைச் சுற்றி பெட்ரோலை ஊற்றி வாகனத்திற்கு தீ வைக்கப்போவதாக காவல்துறை அதிகாரிகளுக்கு அச்சுறுத்தல் விடுத்துள்ளமை காவல்துறை விசாரணைகளில் தெரியவந்துள்ளது.
பின்பு, காவல்துறை அதிகாரிகளின் கடமைக்கு இடையூறு விளைவித்தமை, பொதுச் சொத்துக்களுக்கு சேதம் விளைவிக்க முயன்றமை மற்றும் தீ வைக்க முற்பட்டமை ஆகிய குற்றச்சாட்டுகளின் கீழ் சந்தேகநபரின் மனைவி உட்பட 7 பேர் காவல்துறையினரால் கைது செய்யப்பட்டுள்ளனர்.
இச்சம்பவம் தொடர்பில் மடு காவல்துறையினர் மேலதிக தீவிர விசாரணைகளை முன்னெடுத்து வருகின்றமை குறிப்பிடத்தக்கது.
செய்திகளை உடனுக்குடன் தெரிந்து கொள்ள IBC தமிழ் WHATSAPP இல் இணைந்து கொள்ளுங்கள்...! |
புங்குடுதீவு 8ம் வட்டாரம், Büren an der Aare, Switzerland
29 Aug, 2026
புலோலி கிழக்கு, Villeneuve-Saint-Georges, France
30 Sep, 2026
புங்குடுதீவு 9ம் வட்டாரம், புங்குடுதீவு 12ம் வட்டாரம், கொழும்பு
29 Sep, 2026
நெடுந்தீவு மேற்கு, Jaffna, பாண்டியன்குளம், பிரான்ஸ், France, நோர்வே, Norway, ஜேர்மனி, Germany
29 Sep, 2026
நெடுந்தீவு கிழக்கு, கொழும்பு, பாண்டியன்குளம், Brampton, Canada
26 Sep, 2026
மானிப்பாய், Florida, United States, Southgate, United Kingdom
24 Sep, 2026