மகிந்த பாதியிலேயே நிறுத்திய LRT திட்டம்: இழப்பீடு சுமையை அதிகரித்த ஜப்பானின் நகர்வு

முந்தைய ராஜபக்ச அரசாங்கத்தின் போது இரத்து செய்யப்பட்ட கொழும்பு இலகு தொடருந்து போக்குவரத்து (LRT) திட்டத்திற்காக ஜப்பானிய நிறுவனத்திற்கு சுமார் ரூ. 840 மில்லியன் இழப்பீடாக வழங்கப்பட்டுள்ளது என்று போக்குவரத்து மற்றும் நெடுஞ்சாலைகள் அமைச்சர் பிமல் ரத்நாயக்க தெரிவித்துள்ளார்.

அந்நிறுவனம் தற்போது அதற்கான வட்டியைக் கோரி வருகிறது என்றும் அவர் கூறியுள்ளார்.

ஐக்கிய மக்கள் சக்தியின் நாடாளுமன்ற உறுப்பினர் சமிந்த விஜேசிறி எழுப்பிய கேள்விக்கு பதிலளிக்கும் விதமாக அமைச்சர் இவ்வாறு தெரிவித்தார்.

யாழில் பேருந்தைச் செலுத்தியவாறே உயிரிழந்த சாரதி

1.031 மில்லியன் அமெரிக்க டொலர்கள் 

மேலும் கருத்து தெரிவித்த அவர், ''189 மில்லியன் ஜப்பானிய யென், 1.031 மில்லியன் அமெரிக்க டொலர்கள் மற்றும் கிட்டத்தட்ட 110 மில்லியன் இலங்கை ரூபாய் ஆகியவை ஒரே நேரத்தில் இழப்பீடாக வழங்கப்பட்டிருந்தது தெரியவந்துள்ளது.

சம்பந்தப்பட்ட ஜப்பானிய நிறுவனம் தற்போது கூடுதல் வட்டியைக் கோரி வருகிறது, ஆனால் கோரப்பட்ட தொகை இன்னும் வழங்கப்படவில்லை. மேலும், இவ்விவகாரத்தை விசாரிக்க ஒரு குழு நியமிக்கப்பட்டுள்ளது" என்றார்.

இந்த திட்டம் இரத்து செய்யப்பட்டதால் ஏற்பட்ட மொத்த இழப்பு இன்னும் கணக்கிடப்படவில்லை என்றாலும், 2024-ஆம் ஆண்டில் வழங்கப்பட்ட இழப்பீடு குறித்த தகவல் மட்டுமே பதிவு செய்யப்பட்டுள்ளது.

கொழும்பின் நகரப் போக்குவரத்து உள்கட்டமைப்புக்கு இத்திட்டம் பொருத்தமற்றது என அடையாளம் கண்ட பின்னர், அப்போதைய அரசாங்கம் அத்திட்டத்தை இரத்து செய்யத் தீர்மானித்தது.

2020 செப்டம்பர் 18 அன்று நடைபெற்ற ஒரு கலந்துரையாடலில், வெளிநாட்டு வளங்கள் திணைக்களத்தின் பணிப்பாளர் நாயகம், இத்திட்டம் செலவுத் திறனற்றது எனச் சுட்டிக்காட்டினார்.

வடக்கு, கிழக்கு கரையோரப் பகுதிகள் குறித்து அநுரவின் உத்தரவு

மகிந்த வெளியிட்ட கடிதம்

மேலும், அப்போதைய ஜனாதிபதியால் வெளியிடப்பட்ட ஒரு கடிதத்திலும் இது செலவுத் திறனற்ற திட்டமாக அறிமுகப்படுத்தப்பட்டது. அப்போதைய நகர அபிவிருத்தி அமைச்சர் மகிந்த ராஜபக்சவால் தாக்கல் செய்யப்பட்ட ஓர் அமைச்சரவைப் பத்திரத்தில் இத்திட்டம் நட்டத்தை ஏற்படுத்தும் திட்டம் என விவரிக்கப்பட்டிருந்தது.

மேலும், இத்திட்டத்தை பாதியிலேயே இரத்து செய்வது ஊழலுக்கோ அல்லது மோசடிக்கோ இடமளிக்காது என்று பிமல் ரத்நாயக்க கூறினார். இந்தத் திட்டத்தை நிறுத்திய முடிவை மறுபரிசீலனை செய்வது, அதனை மீண்டும் தொடங்குவது அல்லது அதன் பொருளாதாரமற்ற தன்மையை பொருளாதார ரீதியாக சாத்தியமாக்குவது உள்ளிட்ட ஒன்பது பரிந்துரைகளை கணக்காய்வாளர் நாயகம் வழங்கியுள்ளார்.

இருப்பினும்,கணக்காய்வாளர் நாயகம் அதனை மீண்டும் தொடங்குமாறு நேரடியாகப் பரிந்துரைக்கவில்லை.

 தற்போதைய அரசாங்கமும் இவ்விடயத்தை இன்னும் மறுபரிசீலனை செய்து புதிய முடிவை எடுக்கவில்லை. கொழும்பில் நிலவும் கடுமையான போக்குவரத்து நெரிசலைக் கையாள்வதற்காக, பேருந்துகள் மற்றும் பாரம்பரிய இரயில் சேவைகளுக்குக் கூடுதலாக ஒரு புதிய பொதுப் போக்குவரத்து அமைப்பின் தேவை 2010-களின் முற்பகுதியில் கண்டறியப்பட்டது.

மேலும் இந்த இலகுரக இரயில் திட்டம் ஒரு தீர்வாக முன்மொழியப்பட்டது. கொழும்பில் போக்குவரத்து நெரிசலைக் குறைத்தல், தனியார் வாகனங்களின் பயன்பாட்டைக் குறைத்தல், காற்று மாசுபாட்டைக் கட்டுப்படுத்துதல், பயண நேரத்தைச் சேமித்தல் மற்றும் மேற்கு மாகாணத்தின் பொருளாதார வளர்ச்சிக்கு ஆதரவளித்தல் ஆகியவை இதன் முக்கிய நோக்கங்களாக இருந்தன.

2.3 பில்லியன் அமெரிக்க டாலர் செலவாகும் என மதிப்பிடப்பட்ட இத்திட்டத்திற்கு, ஜப்பான் சர்வதேச ஒத்துழைப்பு முகமை (JICA) 1.4 பில்லியன் அமெரிக்க டாலர் சலுகைக் கடனை வழங்க ஒப்புக்கொண்டிருந்தது.

40 ஆண்டுகளில் திருப்பிச் செலுத்தப்பட வேண்டிய இக்கடனில், 12 ஆண்டு கால அவகாசம் வழங்கப்பட்டது. இந்தக் காலக்கட்டத்தில் இலங்கை எந்தக் கட்டணத்தையும் செலுத்தத் தேவையில்லை.

2019 மே 23 அன்று, இலங்கையின் சார்பில் திறைசேரி செயலாளர் ஆர்.எச்.எஸ். சமரதுங்க, ஜப்பானின் சார்பில் அப்போதைய இலங்கைக்கான ஜப்பானிய தூதர் அகிரா சுகியாம, மற்றும் இலங்கையில் உள்ள ஜப்பான் சர்வதேச ஒத்துழைப்பு முகமையின் தலைவர் புசடோ தனகா ஆகியோர் இந்த ஒப்பந்தத்தில் கையெழுத்திட்டமாய் குறிப்பிடத்தக்கது.

மாயமான அமெரிக்காவிற்கு செலுத்த வேண்டிய 626,755 டொலர்கள்: தீவிர விசாரணையில் CID