குட்டியின் இறப்பை தாங்க முடியாமல் தாய் திமிங்கலத்தின் நெகிழ்ச்சி செயல்
தனது குட்டி இறந்த வலியை தாங்க முடியாமல் அதன் இறந்த உடலை தலையில் வைத்துக்கொண்டு நீந்திய திமிங்கலம் குறித்த செய்தியை இன்று (03) வெளிநாட்டு ஊடகங்கள் வெளியிட்டுள்ளன.
டெல்குவா என அழைக்கப்படும் இந்த தாய் திமிங்கலத்தின் குட்டி புத்தாண்டு தினத்தன்று உயிரிழந்ததாகவும், தனது குட்டியைக் காப்பாற்றும் நோக்கில் நேற்று முன்தினம் (01) முதல் தனது குட்டியை தலையில் சுமந்துகொண்டு நீந்துவதாகவும் வோஷிங்டனில் உள்ள திமிங்கல ஆய்வு மையம் தெரிவித்துள்ளது.
கடந்த 20ம் திகதி டெல்குவாவை அதன் குட்டியுடன் முதன்முதலாக அவதானித்ததாகவும், அப்போது குட்டி உயிருடன் இருந்ததாகவும் திமிங்கல ஆராய்ச்சி மையம் தெரிவித்துள்ளது.
இறந்த குட்டியை தலையால் தள்ளி நீந்திக் கொண்டிருந்தது
ஆனால் நேற்று முன்தினம் (01) தேசிய பெருங்கடல் மற்றும் வளிமண்டல நிர்வாகத்தின் ஆராய்ச்சியாளர்கள் டெல்குவா தனது குட்டியின் இறந்த உடலை தலையில் வைத்துக்கொண்டு சியாட்டில் கடலில் நீந்துவதை புகைப்படம் எடுத்ததாக திமிங்கல ஆராய்ச்சி மையம் தெரிவித்துள்ளது.
டெல்குவா இறந்த குட்டியை தலையால் தள்ளி நீந்திக் கொண்டிருந்தது தற்போது உறுதி செய்யப்பட்டுள்ளதாக ஆராய்ச்சி விஞ்ஞானி பிராட் ஹான்சன் தெரிவித்தார்.
குட்டியின் சடலம் நீரில் மூழ்கும் போது, கடலில் மூழ்கி இறந்த தனது குட்டியின் உடலை மீண்டும் கடலின் மேற்பரப்பிற்கு கொண்டு வருவதாகவும் அவர் கூறினார்.
2018 ஆம் ஆண்டிலும், ஒரு குட்டியை இழந்தது
டெல்குவா தனது குட்டியை தலையில் வைத்துக்கொண்டு நீந்துவதை துக்கத்தின் அடையாளமாக அவர் சுட்டிக்காட்டினார்.
முன்னதாக 2018 ஆம் ஆண்டிலும், டெல்குவா ஒரு குட்டியை இழந்ததாகவும், அந்த நேரத்தில் அது தொடர்ந்து 17 நாட்கள் குட்டியின் உடலைத் தலையால் தள்ளி சுமார் 1000 கிலோமீட்டர் நீந்தியதாகவும் அவர் கூறினார்.
தனது குட்டியின் இறந்த உடலுடன் நீந்திய காட்சியைப் பார்த்த பல விலங்கியல் வல்லுநர்கள் அதனது தாய்வழி பாசத்தைக் கண்டு அதிர்ச்சியடைந்ததாகவும் அவர் கூறினார்.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
தமிழ் மக்கள் தங்களைத் தாங்களே பார்த்துச் சிரிக்கும் ஒரு காலம்
3 வாரங்கள் முன்
விடுதலைப் புலிகளை வணங்கிய சிங்களவர்கள் !
3 வாரங்கள் முன்
புங்குடுதீவு, Le Blanc-Mesnil, France
09 Dec, 2022
பன்னாலை, தெல்லிப்பழை, கொழும்பு, Ikast, Denmark, London, United Kingdom
03 Dec, 2024
சிறுப்பிட்டி, புதுக்குளம், பிரித்தானியா, United Kingdom, சின்னக்கடை
06 Jan, 2020
Klang, Malaysia, யாழ்ப்பாணம், கலிஃபோர்னியா, United States
08 Jan, 2022
மிருசுவில், தமிழ்நாடு, India, பரிஸ், France, Neuss, Germany
06 Jan, 2023
சரவணை மேற்கு, கரம்பொன் மேற்கு, ஊர்காவற்துறை, பேர்லின், Germany
05 Jan, 2022
நயினாதீவு 6ம் வட்டாரம், யாழ்ப்பாணம், Mississauga, Canada
31 Dec, 2022