யாழ் பல்கலையில் நூல் அறிமுக விழா : இறுதி நேரத்தில் மறுக்கப்பட்ட அனுமதி
யாழ்ப்பாண பல்கலைக்கழகத்தில் அரசியல் விமர்சகர் மு.திருநாவுக்கரசு எழுதிய நூலொறின் அறிமுக நிகழ்வு இன்று (30) நடைபெறவிருந்த நிலையில் அதற்கான அனுமதி மறுக்கப்பட்டுள்ளது.
கல்வி அமைச்சு, பல்கலைக்கழக மானியங்கள் ஆணைக்குழுவின் சுற்றறிக்கையை சுட்டிக்காட்டி இறுதி நேரத்தில் பல்கலைக்கழக நிர்வாகத்தினால் இந்த அனுமதி மறுக்கப்பட்டுள்ளதாக தெரிவிக்கப்படுகின்றது.
இது குறித்து மேலும் தெரியவருகையில, யாழ்ப்பாண பல்கலைக்கழக அரசறிவியல் ஒன்றியத்தின் ஏற்பாட்டில் அரசியல் விமர்சகரும் எழுத்தாளருமான மு.திருநாவுக்கரசு எழுதிய இலங்கையின் கட்டமைக்கப்பட்ட இனப்படுகொலையின் தோற்றமும் நடைமுறையும் என்ற நூலின் அறிமுகமும் கலந்துரையாடலும் என்ற நிகழ்வு இன்று வெள்ளிக்கிழமை மதியம் 2 மணியளவில் கலைப்பீட கருத்தரங்கு மண்டபத்தில் நடத்த திட்டமிடப்பட்டிருந்தது.
அனுமதி பெறவேண்டும்
குறித்த நிகழ்வில் பல்கலைக்கழக கலைப்பீட பீடாதிபதி, பல்கலைக்கழக அரசறிவியல் துறை விரிவுரையாளர்கள், அரசியல் விமர்சகர்கள் உள்ளிட்டோர் கலந்து கொண்டு உரையாற்ற இருந்தனர்.
இந்தநிலையில் குறித்த நிகழ்வை நடத்த அனுமதிக்க முடியாது என யாழ் பல்கலைக்கழக நிர்வாகத்தினரால் நிகழ்வு ஏற்பாட்டாளர்களுக்கு நேற்று (29) அறிவுறுத்தப்பட்டுள்ளது.
பல்கலைக்கழகத்தில் நடைபெறும் நிகழ்வில் வெளிநபர்களின் பங்கேற்பு இருந்தால் அதற்கு கல்வி அமைச்சு, பல்கலைக்கழக மானியங்கள் ஆணைக்குழுவின் அனுமதி பெறவேண்டும் என்ற சுற்றறிக்கையை சுட்டிக்காட்டி குறித்த அனுமதி மறுக்கப்பட்டதாக தெரியவருகிறது.
கலைப்பீட பீடாதிபதி தெரிவிப்பு
இது தொடர்பாக யாழ் பல்கலைக்கழக கலைப்பீட பீடாதிபதி நாகமுத்து பிரதீபராஜாவை தொடர்பு கொண்டு கேட்ட போது, தான் குறித்த நிகழ்வை நிறுத்தவில்லை என்று குறிப்பிட்டுள்ளார்.
அத்துடன் நிகழ்வை நிறுத்தியது பற்றி அரசறிவியல் ஒன்றியத்திடமே கேட்க வேண்டும் என்றும், முறைப்படி அனுமதி எடுக்கவில்லை என்ற காரணத்தால் அதனை எடுக்கும் வரை நிகழ்வு தற்காலிகமாக நிறுத்தப்பட்டிருக்கலாம் எனவும் தெரிவித்தார்.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
நெடுந்தீவு மேற்கு, Jaffna, பாண்டியன்குளம், பிரான்ஸ், France, நோர்வே, Norway, ஜேர்மனி, Germany
29 Sep, 2026
புங்குடுதீவு 9ம் வட்டாரம், புங்குடுதீவு 12ம் வட்டாரம், கொழும்பு
29 Sep, 2026
புலோலி கிழக்கு, Villeneuve-Saint-Georges, France
30 Sep, 2026
புங்குடுதீவு 5ம் வட்டாரம், வேலணை கிழக்கு, சுவிஸ், Switzerland
26 Oct, 2018
