நீதவானுக்கு அழைப்பு எடுத்து கப்பம் கோரும் கொள்ளையன்
குளியாபிட்டிய நீதவான் மற்றும் மேலதிக மாவட்ட நீதிபதி அமில சம்பத் ஆரியசேனவின் காரை கொள்ளையடித்த சந்தேகநபர், மேற்படி நீதவானுக்கு தொலைபேசி மூலம் அழைப்பு விடுத்துள்ளார்.
நேற்று (12) குறித்த சந்தேக நபர், நீதவானுக்கு தொலைபேசி மூலம் அழைப்பு விடுத்து, காரில் இருந்த ஆவணங்களை ஒப்படைப்பதற்கு ஐந்து இலட்சம் ரூபாவை வழங்குமாறு கேட்டுள்ளார்.
பெண்ணின் பெயரில் பெறப்பட்ட சிம் கார்டில் இருந்து அழைப்பு
மாஜிஸ்திரேட்டின் காரை கொள்ளையடித்த நபர் பெண் ஒருவரின் பெயரில் பெறப்பட்ட சிம் கார்டில் இருந்து தொலைபேசி அழைப்புகளை மேற்கொண்டுள்ளதாக காவல்துறை விசாரணைகளில் இருந்து தெரியவந்துள்ளது.
குறித்த பெண் 1960 ஆம் ஆண்டு பிறந்தவர் எனவும் அவரது அடையாள அட்டையில் உள்ள தகவல்களின் படி குறித்த பெண் சில வருடங்களுக்கு முன்னர் உயிரிழந்துள்ளதாக தெரியவந்துள்ளது.
போதைப்பொருளுக்கு அடிமையானவர்
எவ்வாறாயினும், அவரது மகன் தற்போது தெஹிவளை பிரதேசத்தில் வசிப்பவர் எனவும், அவர் அதிகளவில் போதைப்பொருளுக்கு அடிமையானவர் எனவும் காவல்துறை விசாரணைகளில் இருந்து தெரியவந்துள்ளது.
அவரது தாயாரின் அடையாள அட்டை குறித்து கேட்டபோது, சில வருடங்களுக்கு முன்பு அது தவறி விழுந்து விட்டதாக தெரிவித்தார். இந்த கொள்ளையன் கடந்த 11ஆம் திகதி அந்த தொலைபேசி இலக்கத்திலிருந்து வெவ்வேறு நபர்களுக்கு 11 அழைப்புகளை மேற்கொண்டுள்ளதாக விசாரணைகளில் தெரியவந்துள்ளது. அந்த நபர்கள் அனைவரும் பிரபல இணையதளத்தில் விளம்பரம் செய்தவர்கள் என அடையாளம் காணப்பட்டுள்ளனர்.
இவர்களில் பெரும்பாலானோர் உயர் ரக கையடக்கத் தொலைபேசிகள் விற்பனைக்கான விளம்பரங்களையும், ஏனையோர் வாடகை அடிப்படையில் வீடுகளை வழங்குவதாகவும் வெளிநாட்டு நாணயங்களை விற்பனை செய்வதாகவும் விளம்பரங்களை வெளியிட்டுள்ளனர் என அடையாளம் காணப்பட்டுள்ளது.
டொலர்களை கோரிய சந்தேக நபர்
சந்தேக நபர் வத்தளை பிரதேசத்தில் உள்ள பெண் ஒருவரிடம் டொலர்களை வாங்கச் சென்று அவற்றை பரிசோதிக்க கேட்ட போது சந்தேகமடைந்த பெண் ஒரு டொலர் நோட்டை மட்டும் அவரிடம் கொடுத்த போது அனைத்து டொலர் தாள்களையும் கோரியுள்ளார். ஆனால் அனைத்து நோட்டுகளையும் கொடுக்காததால் சந்தேக நபர் அங்கிருந்து சென்றுவிட்டதாக காவல்துறை விசாரணையில் தெரியவந்துள்ளது.
சந்தேக நபர் ஏனைய தொலைபேசி இலக்கங்களுக்கு அழைத்து பொருட்கள் தொடர்பில் கேட்டறிந்துள்ளதாக விசாரணைகளில் மேலும் தெரியவந்துள்ளது.
அரியாலை, கொழும்பு, Georgetown, Guyana, Edgware, United Kingdom
17 Jun, 2025
யாழ் கோப்பாய் வடக்கு, Jaffna, Scarborough, Canada, Whitby, Canada
28 Jun, 2026
புங்குடுதீவு 1ம் வட்டாரம், வேலணை மேற்கு, வேலணை வடக்கு, London, United Kingdom
27 Jun, 2026
யாழ்ப்பாணம், கிளிநொச்சி, கண்டி, Woodbridge, Canada
28 Jun, 2026
