ஈழத்தமிழர்களுக்கு தனிநாடு..! மோடிக்கு கோரிக்கை விடுத்த மதுரை ஆதீனம்
இலங்கையில் தமிழர்களுக்கு தனி நாட்டை உருவாக்க வேண்டும் என இந்திய பிரதமர் மோடியிடம் மதுரை ஆதினம் கோரிக்கை விடுத்துள்ளார்.
இந்திய பிரதமர் நரேந்திர மோடி இரண்டு நாள் சுற்றுப்பயணமாக தமிழகத்திற்கு விஜயம் செய்துள்ளார்.
இந்நிலையில் அவர் நேற்று முன்தினம்(27) மதுரைக்கு சென்றுள்ளார்.
வரவேற்பு
இதன் போது பிரதமரை மதுரை ஆதீனம் வரவேற்றதுடன் அவருக்கு கௌரவம் அளித்துள்ளார்.
அதன்பின்னர் பிரதமர் மோடி மதுரை மீனாட்சியம்மன் ஆலயத்திற்கு சென்று வழிபாடுகளில் ஈடுபட்டுள்ளார்.
இந்நிலையில், ஊடகங்களை சந்தித்த மதுரை ஆதினம் மோடியுடனான தனது கலந்துரையாடலை பகிர்ந்திருந்தார்.
கச்சதீவு
இது குறித்து அவர் தெரிவிக்கையில் “பிரதமர் மோடியை சந்தித்தது மகிழ்ச்சி அளிப்பதோடு கச்சதீவு மீட்க வேண்டும்.
இலங்கையில் தமிழர்களுக்கு தனி நாடு உருவாக்க வேண்டும் என கோரிக்கை விடுத்துள்ளேன்.
அதேவேளை, 2024இல் பாரதிய ஜனதா கட்சி வெற்றி பெற்று மோடி மீண்டும் பிரதமர் ஆவார் அத்தோடு மோடி மீண்டும் பிரதமராக என்னுடைய ஆதரவும் ஆசீர்வாதமும் என்றென்றும் உண்டு” என அவர் தெரிவித்துள்ளார்.
செய்திகளை உடனுக்குடன் தெரிந்து கொள்ள IBC தமிழ் WHATSAPP இல் இணைந்து கொள்ளுங்கள்...! |
