தமிழர் பகுதியில் மாணவர்களை கடத்தும் முயற்சி - வழங்கப்பட்டுள்ள அறிவுறுத்தல்!
மன்னாரில் பாடசாலை மாணவர்களை கடத்துவதற்கு முயற்சிப்பதாக தகவல் கிடைத்துள்ளதையடுத்து மாவட்டம் முழுவதும் பாதுகாப்பினை பலப்படுத்த காவல்துறையினர் நடவடிக்கை எடுத்துள்ளனர்.
கடந்த சில நாட்களுக்கு முன்னர் சிற்றூந்தில் வந்த இருவர் உணவுகளை கொடுத்து மாணவர்களை கடத்துவதற்கு முயற்சித்ததாக கூறப்பட்டநிலையில், காவல்துறையினர் பாதுகாப்பை பலப்படுத்தியுள்ளனர்.
மாணவர்களை கடத்தும் முயற்சி
சில தினங்களுக்கு முன்னர் சிற்றூந்தில் வருகை தந்தவர்கள் மாணவர்களை கடத்த முயற்சித்த வேளை, அந்த மாணவர்கள் கூச்சலிட்ட நிலையில் வீட்டிற்கு தப்பிச் சென்றுள்ளனர் என தகவல்கள் கிடைத்துள்ளதாக காவல் துறையினர் தெரிவித்துள்ளனர்.
அதேசமயம், குறித்த மாணவர்களின் பெற்றோர்கள் காவல் நிலையத்தில் முறைப்பாடு செய்தமையைத் தொடர்ந்து அனைத்து பாடசாலைகளிலும், பாடசாலைகளை அண்டிய பகுதிகளிலும் இராணுவத்தினர் மற்றும் காவல்துறையினர் இணைந்து பாதுகாப்பு கடமைகளில் ஈடுபட்டுள்ளனர்.
அறிவுறுத்தல்
இதேவேளை, மாணவர்கள் தனித்து செல்வதை தவிர்த்துக்கொள்ளுமாறும், ஏனைய மாணவர்களுடன் சேர்ந்து செல்லுமாறும் அதிபர்கள் மற்றும் ஆசிரியர்கள் மாணவர்களுக்கு அறிவுறுத்தியுள்ளனர்.
மேலும், ஆரம்ப பிரிவு மாணவர்களை பெற்றோர்கள் அழைத்து வரவேண்டும் எனவும் கோரிக்கை விடுக்கப்பட்டுள்ளது.
குறித்த சம்பவம் தொடர்பில் மன்னார் காவல் துறையினர் விசாரணைகளை மேற்கொண்டு வருகின்றனர்.
புங்குடுதீவு 8ம் வட்டாரம், கொழும்பு, முல்லைத்தீவு, Den Helder, Netherlands
10 May, 2020
