சிலாபத்தில் விபத்து : சம்பவ இடத்திலேயே பலியான 22 வயது இளைஞன்

Sri Lanka Police Sri Lanka Sri Lanka Police Investigation

By Sathangani Mar 12, 2024 03:49 AM GMT

Sathangani

in சமூகம்

Report

சிலாபம் - திகன்வெவ பிரதேசத்தில் வீதிக்கு அருகில் உழவு இயந்திரத்திற்கு எரிபொருளை நிரப்பிக் கொண்டிருந்த இளைஞர் ஒருவரை, அதேவீதியில் சென்ற கனரக வாகனம் மோதியதில் உடல் நசுங்கி சம்பவ இடத்திலேயே உயிரிழந்துள்ளதாக சிலாபம் தலைமையக காவல்துறையினர் தெரிவித்தனர்.

சிலாபம் - திகன்வெவ, மாரக்கெல பகுதியைச் சேர்ந்த 22 வயதுடைய இளைஞன் ஒருவனே இவ்வாறு உயிரிழந்துள்ளதாக காவல்துறையினர் குறிப்பிட்டனர்.

குறித்த வீதியின் அருகே நின்றுகொண்டு உழவு இயந்திரத்திற்கு எரிபொருள் நிரப்பிக்கொண்டிருந்த இளைஞன் மீதே இவ்வாறு கனரக வாகனம் மோதியுள்ளதாக தெரிவிக்கப்படுகிறது.

எரிபொருள் நிரப்பும் போது

குறித்த இளைஞனின் தந்தைக்கு சொந்தமான சிறிய பெக்கோ இயந்திரத்தை தனது சொந்த உழவு இயந்திரத்தில் ஏற்றிச்சென்ற போது, உழவு இயந்திரத்தில் திடீரென எரிபொருள் தீர்ந்துவிட்டது.

சிலாபத்தில் விபத்து : சம்பவ இடத்திலேயே பலியான 22 வயது இளைஞன் | Accident 22 Year Old Youth Died On The Spot Chilaw

இதனையடுத்து, எரிபொருளை எடுத்து உழவு இயந்திரத்திற்கு நிரப்பிக் கொண்டிருந்த போது, அவ்வீதியூடாக அதிவேகமாக பயணித்த கனரக வாகனம் வீதியை விட்டு விலகி அந்த இளைஞன் மீதி மோதி கவிழ்ந்துள்ளது.

காவல்துறையினர் விசாரணை

இந்த விபத்தில் இளைஞன் தூக்கி வீசப்பட்டு சிறிய பள்ளமொன்றில் விழுந்ததாகவும், விபத்தில் கவிழ்ந்த கனரக வாகனத்தின் முன்பக்க இரண்டு சக்கரங்கள் இளைஞனின் மார்பில் கடுமையாக தாக்கியதாகவும் விசாரணையில் தெரியவந்துள்ளது.