சுவிட்ஸர்லாந்திலுள்ள புலம்பெயர்ந்தோர் மீது சுமத்தப்பட்டுள்ள குற்றச்சாட்டு
சுவிட்ஸர்லாந்தில் (Switzerland), அதிகரித்து வரும் வீட்டு வாடகை பிரச்சினைக்கு புலம்பெயர் மக்களே காரணம் என அந்நாட்டு வலதுசாரி அரசியல்வாதிகள் குற்றம் சுமத்தி வருவதாக சர்வதேச ஊடகங்கள் செய்தி வெளியிட்டுள்ளன.
சுவிஸில், அதிகரித்து வரும் வீட்டு வாடகையால் நடுத்தர வகுப்பு மக்கள் அவதியுறும் நிலை ஏற்பட்டுள்ளமை குறித்து நிபுணர்கள் கவலை தெரிவித்துள்ளனர்.
இந்தநிலையில், குறைந்த வருமானம் ஈட்டும் மக்கள், தங்கள் வருவாயில் கிட்டத்தட்ட பாதியை வீட்டு வாடகைக்கே செலவிடுவதாக அந்நாட்டு அலுவலக தரவுகள் தெரிவிக்கின்றன.
சராசரியாக வாடகை
அதாவது, சராசரியாக வாடகை வீடுகளில் குடியிருப்போர், தங்கள் வருவாயில் மூன்றில் ஒரு பங்கை வீட்டு வாடகைக்கே செலவிடுவதாக சுட்டிக்காட்டப்பட்டுள்ளது.
அதிக வாடகை காரணமாக வசதிகள் நிறைந்த வீடுகளுக்கு மாற்றி கொள்ளுவதற்கு சிரமப்படும் நடுத்தர வகுப்பு மக்கள், தொடர்ந்து ஒரே வீட்டில் குடியிருப்பதால் குடியிருப்புகள் தொடர்பான வியாபார நடைமுறைகளைக் கொண்ட சொத்துச் சங்கிலி பாதிக்கப்படுவதும் கணிக்கப்பட்டுள்ளது.
இதற்கிடையில், புலம்பெயர்ந்தோர் மக்கள் தான் வீடுகள் தட்டுப்பாடு பிரச்சினைக்கு காரணம் என அந்நாட்டு வலதுசாரி அரசியல்வாதிகள் குற்றம் சுமத்தியுள்ளனர்.
ஆனால், போதுமான வீடுகள் கட்டப்படாததே பிரச்சினை என எதிர் தரப்பினர் தெரிவித்துள்ளதுடன் வீடு கட்ட அனுமதி பெறுவதிலுள்ள பிரச்சினைகளை சுட்டிக்காட்டும் அவர்கள், பிரச்சினை தீர கூடுதல் வீடு கட்டும் கூட்டுறவு அமைப்புக்களுக்கு அனுமதியளிக்க வேண்டும் என தெரிவித்துள்ளனர்.
இதனடிப்படையில், அதிகரித்து வரும் வீட்டு வாடகையால் நடுத்தர வகுப்பு மக்கள் அவதியுறுவதாக துறைசார் நிபுணர்கள் கவலை தெரிவித்துள்ளமை குறிப்பிடத்தக்கது.
செய்திகளை உடனுக்குடன் தெரிந்து கொள்ள IBC தமிழ் WHATSAPP இல் இணைந்து கொள்ளுங்கள்...! |
பதுளை, புங்குடுதீவு 6ம் வட்டாரம், யாழ்ப்பாணம், Paris, France
28 Feb, 2026
பருத்தித்துறை, ஓமான், Oman, India, London, United Kingdom
06 Mar, 2024
