யாழ்.பல்கலை துணைவேந்தர் உள்ளிட்ட 14 பேருக்கு எதிராக வழக்குத்தாக்கல்!

 யாழ்.பல்கலைக்கழக முன்னாள் கலைப்பீடாதிபதி சிவசுப்பிரமணியம் ரகுராம் தன் மீது அவதூறு பரப்பப்பட்டதாக தெரிவித்து 14 பேருக்கு எதிராக வழக்கு தாக்கல் செய்துள்ளார்.

யாழ்ப்பாண பல்கலைக்கழக துணைவேந்தர், முன்னாள் மாணவிகள், முகப்புத்தகம், டிக் டொக் மற்றும் யூடியூப் சமூக வலைத்தளங்களில் கருத்து வெளியிட்ட 14 பேருக்கு எதிராக நிகழ்நிலை காப்பு சட்டத்தின் கீழ் குறித்த வழக்கு தொடரப்பட்டுள்ளது.

இந்தநிலையில் குறித்த மனு மீதான விசாரணை இன்றைய தினம் (01-07-2026) புதன்கிழமை விசாரணைக்கு எடுத்து கொள்ளப்பட்ட போது மன்று வழக்கினை எதிர்வரும் 10 ஆம் திகதிக்கு திகதியிடப்பட்டுள்ளது.

குறைக்கப்படவுள்ள வாகனங்களின் விலை! ஐ.எம்.எப் நம்பிக்கை

ஆணைக்குழுவிற்கு முறைப்பாடு

இது தொடர்பில் மேலும் தெரியவருகையில், யாழ்ப்பாண பல்கலைக்கழகத்தின் முன்னாள் கலைப்பீடாதிபதியான சிவசுப்பிமணியம் ரகுராம் தன்னை தவறான முறைக்கு உள்ளாக்கியதாக முன்னாள் பல்கலைக்கழக மாணவியும் இரண்டு வருட காலமாக தற்காலிக துணை விரிவுரையாளராகவும் கடமையாற்றிய பெண், பல்கலைக்கழக மானிய ஆணைக்குழுவிற்கு முறைப்பாடு செய்திருந்தார்.

இதையடுத்து, பல்கலைக்கழக மட்டத்தில் விசாரணை குழு அமைக்கப்பட்டு விசாரணைகள் முன்னெடுக்கப்பட்டு வருகிறது.

இந்தநிலையில் முன்னாள் கலைப்பீடாதிபதி சிவசுப்ரமணியம் ரகுராம் குறித்த முன்னாள் மாணவியுடன் உரையாடிய தொலைபேசி ஒலிப்பதிவு என சில ஒலிப்பதிவுகள் டிக்டோக் தளம் மற்றும் முகநூல்களில் பகிரப்பட்டன.

அதன் அடிப்படையில் சிலரால் முகநூல்களிலும் யூடியூப் தளத்திலும் கருத்துக்கள் வெளியிடப்பட்டன.  

இளையராஜாவிற்கு எதிராக டெல்லி உயர்நீதிமன்றம் பிறப்பித்துள்ள உத்தரவு!

வழக்கு பதிவு 

இந்நிலையிலையே பருத்தித்துறை நீதவான் நீதிமன்றில் நிகழ்நிலை காப்பு சட்டத்தின் பிரிவு 20இன் கீழ் யாழ்ப்பாண பல்கலைக்கழக முன்னாள் கலைப்பீடாதிபதி சிவசுப்பிரமணியம் ரகுராமால் வழக்கு தொடரப்பட்டுள்ளது.

அதில் 14 பேர் பிரதி வாதிகளாக குறிப்பிடப்பட்டுள்ளனர்.

குறித்த 14 பேரில் சிவசுப்பிரமணியம் ரகுராம் மீது குற்றச்சாட்டை முன்வைத்துள்ள மாணவி , அவரது நண்பியான முன்னாள் பல்கலைக்கழக மாணவி , யாழ்ப்பாண பல்கலைக்கழக துணைவேந்தர், ஆகியோருடன் இணைய இடையீட்டாளர்களாக யூடியூப் , டிக்டொக், முகப்புத்தகம் ஆகியவற்றில் மனுதாரர் தொடர்பிலான தடை செய்யப்பட்ட கூற்றுக்களை பிரசுத்தமைக்கு எதிராகவும் வழக்கு பதிவு செய்யப்பட்டுள்ளது.

 குறித்த வழக்கினை இன்றைய தினம் விசாரணைக்கு எடுத்துக்கொண்ட பருத்தித்துறை நீதவான் நீதிமன்ற நீதவான் நிபந்தனையுடனான கட்டளையை பிறப்பிப்பதா ? இல்லையா என்பதனை முடிவு செய்வதற்காக வழக்கினை எதிர்வரும் 10 ஆம் திகதிக்கு திகதியிட்டுள்ளமை குறிப்பிடத்தக்கது. 

இந்தியாவில் நள்ளிரவில் விபத்துக்குள்ளான பேருந்து! தீக்கிரையான 7 பயணிகள்