பரீட்சை கால மின்வெட்டு தொடர்பில் வெளியான புதிய அறிவிப்பு
2022 ஆண்டுக்கான கல்விப் பொதுத் தராதர உயர்தரப் பரீட்சை நடைபெறும் காலப்பகுதியில் இரவு 7 மணிக்குப் பின்னர் நாளாந்தம் மின்வெட்டு நடைமுறைப்படுத்தப்படமாட்டாது என பொதுப் பயன்பாடுகள் ஆணைக்குழு அறிவித்துள்ளது.
பரீட்சைகள் ஆணையாளர் நாயகம் அமித் ஜயசுந்தரவின் கோரிக்கைக்கு அமைய இந்தத் தீர்மானம் மேற்கொள்ளப்பட்டுள்ளதாக அந்த ஆணைக்குழுவின் தெரிவித்துள்ளது.
உயர்தரப் பரீட்சை காலத்தில் தொடர்ச்சியாக மின்சாரம் வழங்குவதற்கு 5 பில்லியன் ரூபா தேவைப்படுவதாக மின்சக்தி மற்றும் எரிசக்தி அமைச்சர் கஞ்சன விஜசேகர அண்மையில் அமைச்சரவைக்கு அறிவித்திருந்தார்.
14 நாட்கள்
எவ்வாறாயினும், குறித்த 14 நாட்களுக்கும் தொடர்ந்து மின்சாரம் வழங்கவுள்ளதாக அவர் குறிப்பிட்டுள்ளார்.
அதேவேளை, எதிர்வரும் திங்கட்கிழமை ஆரம்பமாகவுள்ள உயர்தரப் பரீட்சைக்கான அனைத்து ஏற்பாடுகளும் செய்யப்பட்டுள்ளதாக பரீட்சைகள் ஆணையாளர் நாயகம் அமித் ஜயசுந்தர தெரிவித்துள்ளார்.
அத்துடன், பரீட்சை சிக்கல்கள் மற்றும் முறைகேடுகள் குறித்து அறிவிப்பதற்காக 1911 என்ற அவசர இலக்கத்துக்கோ அல்லது 0112 784 537, 0112 786 616, 0112 784 208 மற்றும் 0112 785 211 ஆகிய தொலைபேசி இலக்கங்களுக்கு அழைக்க முடியும் என பரீட்சை ஆணையாளர் நாயகம் சுட்டிக்காட்டியுள்ளார்.
ஈழ விவகாரத்தில் கடமை தவறிய ஐ.நா! 3 நாட்கள் முன்
செஞ்சோலை… ஈழக் குழந்தைகளுக்காய் தலைவர் கட்டிய கூடு
4 நாட்கள் முன்
புங்குடுதீவு 7ம் வட்டாரம், இராமநாதபுரம், Villetaneuse, France
27 Oct, 2025
புங்குடுதீவு 2ம் வட்டாரம், புங்குடுதீவு 12ம் வட்டாரம், Markham, Canada
17 Oct, 2024