உழவு இயந்திரமும் மோட்டார் சைக்கிளும் மோதிய விபத்து : இருவர் படுகாயம்

Ampara Sri Lanka Accident

By Raghav Aug 10, 2024 05:06 AM GMT

Raghav

in சமூகம்

Report

அம்பாறை (Ampara) மாவட்டம் நிந்தவூர் காவல்துறை பிரிவிற்குட்பட்ட, கல்முனை (Kalmunai) பிரதான வீதியில் உழவு இயந்திரம் மற்றும் மோட்டார் சைக்கிள் மோதிய விபத்து சம்பவத்தில் இருவர் காயமடைந்துள்ளனர்.

குறித்த விபத்து நேற்று (09) இரவு 6.30 மணியளவில் இடம்பெற்றுள்ளதாக தெரிவிக்கப்படுகின்றது.

இரு வழி சாலை

விபத்து தொடர்பில் மேலும் தெரியவருகையில், நெல் அறுவடை முன்னாயத்த பணியில் ஈடுபட்ட உழவு இயந்திரம் ஒன்று சடுதியாக பிரதான வீதியை நோக்கி இரு வழி சாலையை மறித்து திரும்ப முற்பட்ட வேளை மறுமுனையில் இருந்து வேகமாக பயணம் செய்த மோட்டார் சைக்கிள் வேக கட்டுப்பாட்டை இழந்து மோதியதில் இவ்விபத்து சம்பவம் இடம்பெற்றுள்ளது.

உழவு இயந்திரமும் மோட்டார் சைக்கிளும் மோதிய விபத்து : இருவர் படுகாயம் | Ampara Motorcycle Accident

விபத்து சம்பவத்தில் உழவு இயந்திரத்தை செலுத்திய சாரதியின் காலில் காயம் ஏற்பட்டுள்ளதுடன் மோட்டார் சைக்கிளில் பயணம் செய்த இரு இளைஞர்களில் ஒருவருக்கு கை முறிவு ஏற்பட்டுள்ளதாக தெரிவிக்கப்பட்டுள்ளது.

மேலும் இவ்விபத்தில் சம்பந்தப்பட்ட தரப்பினர் பொது இணக்கப்பாட்டுடன் சமாதானமாக செல்ல முற்பட்ட போது சம்பவ இடத்திற்கு வருகை தந்த நிந்தவூர் போக்குவரத்து காவல்துறையினர் விசாரணை மேற்கொண்டதுடன் விபத்தில் சம்பந்தப்பட்ட இரு தரப்பினரையும் காவல்நிலையத்திற்கு அழைத்து சென்றனர்.