உத்தேச பயங்கரவாத எதிர்ப்பு சட்டமூலம் : நீதிமன்றில் தாக்கல் செய்யப்பட்ட மனுக்கள்
அரசாங்கத்தின் உத்தேச பயங்கரவாத எதிர்ப்பு சட்டமூலத்துக்கு எதிராக மேலும் இரண்டு மனுக்கள் இன்று தாக்கல் செய்யப்பட்டுள்ளன.
நாடாளுமன்றத்தில் சமர்ப்பிக்கப்பட்டுள்ள இந்த சட்டமூலத்தின் சில சரத்துக்கள் அரசியலமைப்புக்கு முரணானது என தீர்ப்பளிக்கப்பட வேண்டும் என இந்த மனுக்களின் மூலம் கோரப்பட்டுள்ளது.
மனுத்தாக்கல்
உத்தேச பயங்கரவாத எதிர்ப்பு சட்டமூலத்துக்கு எதிராக அரசியல் கட்சிகள் உள்ளிட்ட குடிசார் அமைப்புக்கள் உயர் நீதிமன்றில் மனுத்தாக்கல் செய்திருந்தன.
இந்த நிலையில், குறித்த சட்டமூலத்துக்கு எதிராக இன்று மேலும் இரண்டு மனுக்கள் உயர் நீதிமன்றத்தில் தாக்கல் செய்யப்பட்டுள்ளன.
சட்டத்தரணிகளின் கூட்டணி சார்பில் கலாநிதி.தீபிகா உடுகம மற்றும் முன்னிலை சோஷலிச கட்சியின் பிரசார செயலாளர் துமிந்த நாகமுவ ஆகியோரால் இந்த மனுக்கள் தாக்கல் செய்யப்பட்டுள்ளன.
மனுதாரர்களின் கோரிக்கை
நியாயமான காரணமின்றி எந்தவொரு நபரையும் கைது செய்வதற்கும் தடுத்து வைப்பதற்கும் இராணுவம், காவல்துறை மற்றும் கடலோரக் காவல்படையினருக்கு உத்தேச பயங்கரவாத எதிர்ப்பு சட்டத்தின் ஊடாக அதிகாரம் வழங்கப்பட்டுள்ளதாக மனுதாரர்கள் சுட்டிக்காட்டியுள்ளனர்.
இதனூடாக அரசியலமைப்பின் கீழ் உறுதிபடுத்தப்பட்டுள்ள சில அடிப்படை உரிமைகள் மீறப்படுவதாக அவர்கள் குறிப்பிட்டுள்ளதோடு, அவை அரசியலமைப்புக்கு முரணானது எனவும் தெரிவித்துள்ளனர்.
செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
அனலைதீவு 3ம் வட்டாரம், புங்குடுதீவு 5ம் வட்டாரம், Bünde, Germany, Selm, Germany
11 Jul, 2024
