பெயரளவிலான ஜனாதிபதி அனுர : நாட்டை ஆள்வது ரில்வின் சில்வா என்கிறது பெரமுன

Anura Kumara Dissanayaka Sri Lanka Podujana Peramuna Tilvin silva

By Jaso Aug 03, 2026 10:57 AM GMT

Jaso

in அரசியல்

Report

தற்போது, மக்கள் ஆணை இல்லாத பெலவத்தரில்வின் சில்வா நாட்டை ஆண்டு வருகிறார், அதே சமயம் அனுர குமார திசாநாயக்க பெயரளவிலான ஜனாதிபதியாக மட்டுமே செயல்பட வேண்டியுள்ளது என்று முன்னாள் நாடாளுமன்ற உறுப்பினர் ஆனந்த அலுத்கமகே தெரிவித்துள்ளார்.

சிறிலங்கா பொதுஜன பெரமுன நாவலப்பிட்டியவின் பிரதம அமைப்பாளராக நியமிக்கப்பட்ட அவர், கண்டியில் ஒரு ஊடக மாநாட்டை நடத்தி, நாடு தற்போது அராஜக நிலையை நோக்கிச் சென்று கொண்டிருக்கிறது என்று கூறினார்.

முன்னாள் நாடாளுமன்ற உறுப்பினர் மேலும் தெரிவித்தவை வருமாறு,

பரிதாபகரமான நிலையில் கண்டி மாவட்டம்

இன்று, கண்டி மாவட்டம் முழுவதும் மிகவும் பரிதாபகரமான நிலையில் உள்ளது. மத்திய மாகாணத்திற்கு ஆளுநர் இல்லை. ஆளுநரின் செயலாளர் இல்லை. அனைத்து நிர்வாக விஷயங்களும் குழப்பத்தில் உள்ளன. தேசிய மக்கள் சக்தியால் கண்டிக்குத் தேர்ந்தெடுக்கப்பட்ட மக்கள் பிரதிநிதிகள் இன்று எங்கும் காணப்படவில்லை. அவர்கள் ஏழு மாடிக் கட்டிடங்களைக் கட்டி கொழும்பில் தங்கியுள்ளனர்.

பெயரளவிலான ஜனாதிபதி அனுர : நாட்டை ஆள்வது ரில்வின் சில்வா என்கிறது பெரமுன | Anura President In Name Tilvin Is Ruling Country

திசைகாட்டிக்கு வாக்களித்த கண்டி மக்கள், பெருமூச்சுடன் வானத்தைப் பார்த்துக் கொண்டிருக்கிறார்கள். இதுதான் நிலைமை. நாடாளுமன்ற உறுப்பினர்கள் எங்கும் காணப்படவில்லை. ஒரு காரியமும் செய்யாத சிலர் இன்று நாடாளுமன்றத்திற்குச் சென்றுள்ளனர்.

பிரதேச சபையில் இருக்ககூட தகுதியற்றவர்கள் நாடாளுமன்றில்

இந்த அமைச்சர்களும் நாடாளுமன்ற உறுப்பினர்களும் யார் என்று யாருக்கும் தெரியவில்லை. இது ஒரு பெரும் குற்றம். அவர்கள் பொய் சொல்லி நாடாளுமன்றத்திற்கு வந்தனர்.

இப்போது செய்வதற்கோ சொல்வதற்கோ ஒன்றுமில்லாமல் தவிக்கிறார்கள். பிரதேச சபையில் இருப்பதற்குக் கூடத் தகுதியற்றவர்கள்தான் இன்று நாடாளுமன்றத்திற்குச் சென்று அங்குமிங்கும் அடித்துக் கொண்டிருக்கிறார்கள் என தெரிவித்தார்.