அகதி போல தனுஷ்கோடிக்கு சென்ற இலங்கை இளைஞர் கைது

Tamil nadu Sri Lanka

By Vanan Sep 23, 2023 01:05 AM GMT

Vanan

in குற்றம்

Report

இலங்கையிலிருந்து தனுஷ்கோடி கடற்பகுதிக்கு சட்ட விரோதமாக சென்ற இளைஞரை காவல்துறையினர் கைது செய்தனர்.

கடந்த திங்கட்கிழமை தனுஷ்கோடி அருகே உள்ள மணல் திட்டில் இலங்கை அகதி ஒருவர் வந்திறங்கி இருப்பதாக கடற்றொழிலாளர்கள் மூலம் கடலோர காவல்துறையினருக்கு தகவல் கிடைத்தது.

பண மோசடி வழக்கு

இதைத் தொடர்ந்து கடலோர காவல்துறையினர், கடற்றொழிலாளர்கள் உதவியுடன் மீன்பிடிப் படகு ஒன்றில் நடுக்கடல் மணல் திட்டில் தவித்துக் கொண்டிருந்த இலங்கை மட்டக்களப்பு பகுதியைச் சேர்ந்த கிஷோகரன் என்ற கிஷோர்(31) என்பவரை மீட்டனர்.

அகதி போல தனுஷ்கோடிக்கு சென்ற இலங்கை இளைஞர் கைது | Arrest Of Sri Lankan Youth Dhanushkodi

தொடர்ந்து மண்டபம் மறுவாழ்வு முகாமில் வைத்து கிஷோகரனிடம் காவல்துறையினர் விசாரணை நடத்தி வந்தனர்.

விசாரணையில் அவர் இலங்கையில் பண மோசடி வழக்கில் சம்பந்தப்பட்டு சிறை சென்றவர் என்றும் வழக்கு விசாரணையில் இருந்து தப்பிப்பதற்காக தமிழகம் வந்துள்ளதாகவும் மீண்டும் இலங்கை செல்ல முயற்சிகள் மேற்கொள்ள வாய்ப்புள்ளதாகவும் தெரியவந்துள்ளது.

அகதி போல தனுஷ்கோடிக்கு சென்ற இலங்கை இளைஞர் கைது | Arrest Of Sri Lankan Youth Dhanushkodi

இதனால் கடவுச்சீட்டு தடைச் சட்டத்தின் கீழ் வழக்குப் பதிவு செய்து அவரை தனுஷ்கோடி காவல்துறையினர் நேற்று(22) கைது செய்து நீதிமன்றத்தில் முன்னிலைப்படுத்தி சிறையில் அடைத்தனர்.

மேலும் இது தொடர்பான செய்திகளைப் படிக்க இங்கே கிளிக் செய்யவும்