சட்டவிரோத துப்பாக்கிகள், வெடிபொருட்களுடன் மூவர் கைது: ஒருவர் தப்பி ஓட்டம்

Sri Lanka Police Investigation Arrest

By Pavi Oct 14, 2026 02:26 AM GMT

Pavi

in சமூகம்

Report

காட்டு யானைகள் அதிகளவில் நடமாடும் தெதுரு ஓயா பள்ளத்தாக்கின் வலது கரைப் பகுதியில் அமைந்துள்ள தனியார் காணியொன்றில், சட்டவிரோத துப்பாக்கிகள், வெடிபொருட்கள் மற்றும் விலங்குகளைப் பிடிப்பதற்கான பொறிகளுடன் மூவர் கைது செய்யப்பட்டுள்ளனர்.

நேற்று (13.10.2026) மேற்கொள்ளப்பட்ட சோதனையின்போது குறித்த பொருட்கள் கண்டெடுக்கபட்டு கைது நடவடிக்கை ஆரம்பிக்கப்பட்டுள்ளது.

வடமேல் மாகாண வனவிலங்கு பிராந்திய அலுவலகத்துடன் இணைந்த வனவிலங்கு அதிகாரிகளுக்குக் கிடைத்த இரகசியத் தகவலின் அடிப்படையில் இந்தச் சோதனை முன்னெடுக்கப்பட்டுள்ளது.

தீவிர விசாரணை நடவடிக்கை

இதன்போது, ஒரு துப்பாக்கி, SG ரகத் தோட்டாக்கள், நான்கு அழுத்தத் துப்பாக்கிகள், மூன்று ‘ஹக்கா பட்டாஸ்’ எனப்படும் வெடிபொருள் இரைகள், ஒரு கண்ணிப் பொறி உள்ளிட்ட பல்வேறு பொருட்கள் கைப்பற்றப்பட்டுள்ளன.

சட்டவிரோத துப்பாக்கிகள், வெடிபொருட்களுடன் மூவர் கைது: ஒருவர் தப்பி ஓட்டம் | Arrested With Illegal Firearms Explosives

இந்த நடவடிக்கையின்போது மூன்று சந்தேகநபர்கள் கைது செய்யப்பட்டுள்ளதுடன், மற்றுமொரு சந்தேகநபர் அதிகாரிகளிடமிருந்து தப்பிச் சென்றுள்ளார்.

தப்பிச் சென்ற சந்தேகநபரைக் கண்டறிந்து கைது செய்வதற்கான மேலதிக விசாரணைகளும் நடவடிக்கைகளும் தீவிரமாக முன்னெடுக்கப்பட்டு வருவதாக வனவிலங்கு அதிகாரிகள் தெரிவித்துள்ளனர்.